A SITUACIÓN DAS PRAIAS BARREIRENSES É UNHA CONSECUENCIA MÁIS DA MALA XESTIÓN DO GOBERNO MUNICIPAL. OS NACIONALISTAS SINALAN QUE O DESPILFARRO DO DIÑEIRO E A FALLA DE PREVISIÓN TEÑEN COMO CONSECUENCIA QUE NESTE MOMENTO BARREIROS SEXA UN DOS CONCELLOS MÁIS ENDEBEDADOS DA PROVINCIA E QUE NON ATENDA ÁS NECESIDADES MUNICIPAIS.
Barreiros, 5 de xullo de 2012. O BNG de Barreiros explica que “a situación na que están os areais de Barreiros non é distinta da que ten o resto do concello, un total abandono, consecuencia da mala xestión que leva facendo o goberno municipal nos últimos anos”.
Os nacionalistas insisten en que “o problema de falla de persoal (socorristas, persoal de limpeza, etc), que conleva o mal estado das praias, non é debido á situación económica, como pretende xustificar o alcalde, xa que neste caso os fondos da Xunta mantéñense e quen non asume as súas obrigas é o propio Concello.” Para o BNG “isto demostra que a xestión que se fixo nestes anos en Barreiros foi sen ningún tipo de control, sen previsión ningunha e sen atender a criterios obxectivos de necesidades reais, senón a outros intereses”.
Os nacionalistas consideran que “non é de recibo que Barreiros estea nesta situación, xa que durante os anos 2006 e 2007 ingresáronse grandes cantidades de diñeiro neste Concello que se esfumaron, porque non se fixo nin un só investimento municipal. Foron cerca de 3 millóns de euros que se malgastaron en lugar de facer unha previsión e unha xestión pensando no futuro. Se a xestión fora adecuada á realidade do concello, neste momento Barreiros tería unha situación envidiable”. A portavoz do BNG en Barreiros, Ana Ermida, dixo que “o que se estivo facendo co diñeiro deste Concello durante os últimos anos foi un auténtico despilfarro, xa que se usou para contratar persoas en épocas eleitorais, tal e como se explicou recentemente nun pleno: os picos máis altos, con maior persoal contratado no Concello de Barreiros, coincidían exactamente en anos eleitorais, especialmente coas eleccións municipais”.
Para o BNG “no caso dos socorristas, o Concello de Barreiros non contrata a ninguén como consecuencia do plan de axuste que aprobaron para pagar as débedas derivadas da súa mala xestió. E o mesmo acontece co persoal de limpeza das praias, non hai persoas destinadas a esta función e os areais e as zonas do arredor están nun estado lamentable”.
Desde o Bloque Nacionalista Galego lamentan que “nesta ocasión Alfonso Fuente non sexa tan autocrítico como crítico foi no ano 2004, cando se manifestou publicamente en contra de que se izaran as bandeiras azuis polo, segundo o seu parecer, mal estado dos areais. Lamentan que teña tan pouca memoria e que agora pretenda xustificarse, con disculpas de mal pagador, cando naquel momento non dubidou en denunciar publicamente a situación”.
Ana Ermida engadiu que “o problema non é se as praias teñen ou non teñen a bandeira azul, se non que o goberno municipal está desatendendo as necesidades do concello e tamén desaproveitando o potencial turístico que ten a costa barreirense. O que non é normal é que, por un lado se venda Barreiros como destino turístico e, por outro se desatenda o mantemento das praias, das zonas de recreo, dos camiños, o servizo de recollida de lixo, etc. Non se entende que se pretenda dar servizos á xente que virá de fóra cando nin sequera se atende a dar servizo ás persoas que xa están en Barreiros”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
