As proxeccións actuais son preocupantes xa que se prevé que en 40 anos –no ano 2051- Galicia teña menos poboación da que tiña no ano 1900
O PP DE LUGO SALIENTA A IMPORTANCIA QUE PARA O FUTURO DA PROVINCIA TERÁ O PLAN DA XUNTA PARA A DINAMIZACIÓN DEMOGRÁFICA
O Goberno galego contempla impulsar 50 medidas para fixar poboación entre as que se atopan incentivos fiscais para a natalidade, reforzo de apoios económicos segundo o número de fillos; a promoción de tarifas de tipo social nas empresas; a creación de novas prazas de escolas infantís ou o impulso da conciliación nos sectores público e privado
Lugo, 31 de xullo de 2012.- O Partido Popular de Lugo, salientou a importancia que para o futuro da provincia de Lugo terá o plan da Xunta de Galicia para a dinamización demográfica.
Os populares explicaron que os integrantes do Goberno galego son “conscientes e sensibles” ante a problemática actual de perda de poboación e envellecemento do censo, e nese senso contemplan “impulsar 50 medidas para fixar poboación, garantir o relevo xeneracional e incentivar a natalidade”.
APOIO Á MATERNIDADE
No ámbito do impulso social e económico á maternidade e á paternidade propóñense medidas como reforzar os apoios económicos vinculados ao nacemento e crianza dos fillos, segundo o número de membros da unidade familiar. Tamén se abordan medidas como a axilización dos trámites de adopción internacional, o impulso de medidas de apoio familiar no entorno laboral como ás excedencias ou redución de xornadas; ou campañas de sensibilización no comercio para que apliquen tarifas de tipo social ou distintas bonificacións ás familias –non só ás numerosas-.
A segunda área céntrase na potenciacion dos recursos de apoio ás familias con nenos pequenos, como son a creación de novas prazas de escolas infantís, co obxectivo de acadar a cobertura de prazas públicas do 33 por cento recomendada pola Unión Europea. Ata o de agora, xa se crearon 2.400 prazas no que vai de lexislatura, e ese esforzo continuará coa planificación prevista. Para esta área de intervención, tamén se recollen outras medidas como o fomento da racionalización dos horarios dos centros de atención (isto é, axustar os horarios ás demandas reais das familias); ou a diversificación de servizos prestados á infancia, estudando actuacións como as casas nido no rural, ou a asistencia á domicilio para á infancia. Ademais, estudarase promover medidas para favorecer o acceso á vivenda e aos transportes das familias.
O último núcleo de intervención aborda a coordinación entre as distintas administracións, tamén desde o punto de vista normativo, con fórmulas como por exemplo o establecemento da promoción do crecemento demográfico como criterio positivo de valoración nas convocatorias das axudas de Xunta, concellos e deputacións.
MENOS NENOS, MÁIS PERSOAS MAIORES
As últimas estatísticas oficias amosan como a inemnsa maioría dos concellos da nosa provincia perden poboación –especialmente no interior- e como cada vez hai un maior número de espazos rurais sen habitar. As proxeccións actuais que manexa o Goberno galego son preocupantes no sentido de que se prevé que en 40 anos –no 2051- a nosa comunidade teña menos poboación da que tiña no ano 1900.
Desde o PP lucense enmarcan esta circunstancia no contexto económico xeral de crise “que repercute negativamente na natalidade, posto que moitas familias deciden esperar a ter fillos” e sinala como especialmente acertado desenvolver desde xa unha estratexia de intervención para frear esta tendencia.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
