O GOBERNO DE CERVO ACTIVA O SERVIZO DE SOCORRISMO DESPOIS DE VINTE DÍAS DE VERÁN COA METADE DE PERSOAL QUE O ANO PASADO
-Os socialistas subliñan que ademais de tarde e mal, “este goberno minte ó considerar abondos 10 vixiantes, cando o ano pasado xustificaron a contratación de 20 persoas por temas de seguridade”
CERVO, 10 DE XULLO. O servizo de socorrismo no Concello de Cervo chega tarde, mal e arrastro. Así o califican os membros do Grupo Municipal Socialista ó asegurar que “pasados vinte días dende o comezo do verán, o señor alcalde por fin se lembrou de que as praias e as piscinas necesitan o servizo dos socorristas”.
Tarde e mal, porque este ano teremos a metade de vixiantes que o ano pasado. Os socialistas subliñan que “nós alertamos ós veciños de que o servizo se ía ver mermado, as nosas previsións eran certas. Tan mermado que en lugar de contar con 20 socorristas coma no 2011, a nova contratación deste verán só seleccionou a 10 persoas para as tarefas de vixilancia. E grazas que alomenos conservarán durante este mes os cinco socorristas que levan traballando nas piscinas durante todo o ano”.
Cos datos na man, a seguridade nos areais de Cervo será máis escasa ca nunca. Dende o PSOE din que “non podemos consentir que este equipo de goberno afirme que as praias están acondicionadas con persoal abondo para garantir a seguridade dos bañistas, cando o ano pasado eles mesmos se empeñaban en dicir que 17 socorristas para o noso Concello eran insuficientes e tiveron que contratar en agosto a tres persoas máis”.
Ademais de tarde e mal, arrastrando unha mentira tras outra, pois “só podemos barallar dúas opcións, ou se nos mentía o verán pasado ou se nos está mentindo agora”.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
