O HOTEL BURELENSE PRESENTA UN PROGRAMA CONTINUO DE EVENTOS ATÉ O MES SE SETEMBRO
A TERRAZA DO HOTEL NORDÉS ABRE ESTE VENRES OS SEUS ‘PLANS DE VERÁN’ EN BURELA
A Terraza de Verán do Hotel Nordés (Burela) programou para este verán un completo plan de actividades de lecer que se abre este fin de semana coa súa ‘Festa de Benvida do Verán’, con churrascada, actuación en directo do Grupo Mayel e queimada gratis para todos os asistentes.
“Tes plan para o verán? Aquí temos plans para ti…”. A campaña de lanzamento da Terraza de Verán do Hotel Nordés ataca a unha das escusas típicas de mariñáns e turistas durante os meses de verán. Este hotel de Burela presenta unha alternativa lúdica ás festas de campo, ás romarías ou ás noites de discoteca.
A Terraza de Verán do Hotel Nordés está situada a pé da praia de Portelo, en Burela. Este venres pola noite celebra o seu ‘Gran Festa de Benvida de Verán’, con churrascada, actuación musical do Grupo Mayel e o seu ‘Polvorete’, e queimada gratis para todos os asistentes. Para completar este primeiro fin de semana do mes de xullo, o sábado a Terraza do Nordés únese á celebración da I Festa Castrexa de Burela, ofrecendo un menú especial castrexo a todos os seus clientes.
Desde este venres 6 de xullo programaron eventos para as noites de xoves a sábado, organizando cada semana festas temáticas, actuacións musicais, queimadas gratuítas, churrascadas, actuacións de maxia e monólogos, degustacións de cocktails, xenebra e cervexa, etc.
Do que se trata é que os veciños de Burela, así como todos os visitantes da comarca da Mariña, poidan dispor de novas alternativas para organizar os seus plans deste verán…
ÚLTIMA HORA
- Patrimonio Natural destaca en Ribadeo o compromiso coa accesibilidade nos espazos protexidos
- A Escola de Música de Burela acollerá unha clase maxistral de produción musical o 22 de setembro
- O PP esixe no Senado explicacións polo peche das oficinas do Distrito Marítimo de Ribadeo
- Máis de 60 ganderías de razas autóctonas en risco de erosión xenética recibirán axudas á recría do programa Morenas da Vicepresidencia da Deputación
- Os vindeiros 20 e 21 de outubro terá lugar en Xove a ITV de vehículos agrícolas. As inspeccións realizaranse no aparcadoiro do Centro de Saúde, diante do Cuartel da Garda Civil
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web www.sycitv.com, no apartado de Cita previa. - A alcaldesa de Vilalba, Marta Rouco, e a concelleira de Deportes, Paula Vigo, recibiron este venres no Concello á deportista vilalbesa Julia Cabarcos, logo de converterse na primeira galega en lograr unha praza para o Mr. Olympia de Las Vegas, unha das citas de maior prestixio internacional do culturismo
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique. - El Franco celebra ata o domingo a Fin de Semana do Motor en A Caridá, que reunirá a Concentración Motera 2026 e a IX Quedada de Camións Clásicos
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades. - Derradeira xornada de convivencia Ribadeo - Loktudi
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi. - María José Gómez asiste á ofrenda da Virxe dos Remedios
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo. - O director xeral de Familia, Infancia e Dinamización Demográfica, Jacobo Rey, asistiu este sábado en Burela á celebración do 25º aniversario do centro San Aníbal da entidade Rogacionistas, un exemplo de traballo e dedicación que os sitúa como unha referencia da protección da infancia e da adolescencia na provincia de Lugo
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar. - O vindeiro 26 de setembro celebrarase a Presentación das San Lucas 2026, unha xornada festiva que combinará gastronomía, música e tradición
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
2021 Crónica 3 A Mariña - Implementado por GaliciaDigital