OS TURISTAS QUE CHEGUEN A RIBADEO E REALICEN A RUTA ENTRE AS CATEDRAIS E A VILA RECIBIRÁN UN DIPLOMA QUE OS ACREDITARÁ COMO VIAXEIROS/AS RIBADENSES. TRÁTASE DUNHA ACUARELA FEITA POR UN ARTISTA LOCAL, CON TEXTO EN INGLÉS, FRANCÉS, ESPAÑOL E GALEGO, E CUN POEMA ADICADO AO FAMOSO AREAL, O SEGUNDO LUGAR MÁIS VISITADO DE GALICIA DESPOIS DA CATEDRAL DE SANTIAGO.
Ribadeo, 10 de xullo de 2012. Os turistas que cheguen a Ribadeo e realicen a ruta comprendida entre As Catedrais e a vila recibirán un diploma que os acreditará como viaxeiros/as ribadenses. Para conseguir esta acuarela, realizada por un artista local, deberán fotografiar catro paraxes: a praia das Catedrais, Rinlo, o faro da Illa Pancha e a praia do Cagadeiro, e presentarse na Oficina de Turismo para validar as imaxes e obter o diploma. Esta nova campaña de promoción turística foi presentada esta mañá polo alcalde, Fernando Suárez, e pola concelleira de Desenvolvemento Local e Turismo, Ana Martínez.
O rexedor relatou que “estamos así tentando importar unha idea da igrexa, aquela de que todos os peregrinos que fan o camiño de Santiago ao final da súa viaxe poden obter unha compostelana, poden ter un documento acreditativo de que fixeron o camiño de Santiago co argumento de que nas sucesivas paradas que fixeron tiveron que conseguir os selos correspondentes. Aquí en Ribadeo queremos facer algo parecido con esta cantidade impresionante de xente que ven durante todo o ano ao noso concello, sobre todo á praia das Catedrais, e queremos que leven un recordo gratuito e bonito e que veñan a Ribadeo”. Suárez Barcia subliñou que “se trata dunha acuarela, pedímoslles a todos os turistas que chegan a esta zona que fagan catro fotos co teléfono móvil ou cunha cámara dixital: unha da praia das Catedrais, unha de Rinlo, outra do faro da Illa Pancha e outra da praia do Cargadeiro. Con esas catro fotos preséntanse na oficina de turismo e as informadoras turísticas poderán emitir un diploma co seu nome e eses datos pasarán tamén a formar parte dun libro de visitas do Concello de Ribadeo, que establecemos para isto”.
O diploma ou documento acreditativo é unha acuarela “moi bonita feita por un artista local cun pequeño poema relativo á praia das Catedrais. O texto dese diploma está en galego, en español, en inglés e en francés. É algo que pasará a formar parte do que son as paredes de moitas das vivendas dos turistas que veñen aquí a Ribadeo, porque o regalo meréceo”.
O alcalde de Ribadeo explicou que “o que perseguimos con esta campaña, seguindo a idea que nos levan dicindo desde hai moito tempo os comerciantes e hostaleiros de Ribadeo, é tentar traer á nosa vila á xente que chega ás Catedrais para que non sei vaia a outros lugares, senón que retorne ao lugar natural ao que pertence a praia. A concelleira de Turismo, Ana Martínez, leva varios meses dándolle voltas a esta iniciativa, tivemos que conciliar un montón de problemáticas, de recepción, de emisión, de dereitos de autor, etc…”
Fernando Suárez indicou que “nós temos o noso propio camiño catedralicio cara ás Catedrais, o segundo lugar máis visitado de Galicia despois da Catedral de Santiago, e queríamos ter tamén unha seña distintiva e tamén presentamos os novos folletos das praias das Catedrais en inglés, francés, español e galego, que terán gratuitamente todos os turistas coa información sobre este areal”.
Fernando Suárez e Ana Martínez anunciaron que “mañá mércores comezará a funcionar o punto de atención turística da praia das Catedrais” e lembraron que “Ribadeo está a ter unha grande riqueza turística cos milleiros de persoas que anualmente se desprazan a este concello, a pesares da situación económica que nos tocou vivir”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
