AS PRAIAS DE AS CATEDRAIS E AS ILLAS-CASTROS SERÁN ESCENARIO DE SIMULACROS DE SALVAMENTO E SOCORRISMO O VINDEIRO XOVES, 2 DE AGOSTO.
Ribadeo, 31 de xullo de 2012. Os usuarios e visitantes das praias de As Catedrais e As Illas-Castros que se atopen neses areais o vindeiro xoves pola mañá poderán presenciar os simulacros de salvamento e socorrismo que se van desenvolver, segundo anunciaba esta mañá o concelleiro de Medio Ambiente, Horacio Cupeiro.
O edil nacionalista dixo que “o vindeiro xoves, 2 de agosto, ás 12 da mañá temos previsto celebrar, como ven sendo habitual dende hai varios anos, un simulacro do plan de seguridade e salvamento na praia de As Catedrais e na de Illas-Castros. Con este simulacro queremos coordinar todo o operativo para que no suposto dun caso real funcione todo axeitadamente e que o usuario da praia saiba que contamos con profesionais coa experiencia suficiente”.
Cupeiro sinalou que “as situacións de emerxencia a simular son as seguintes: un socorrista advirte que unha persoa se vai aproximar ás pertenzas dun bañista que está na auga e vai intentar roubarlle o bolso, tratando de escapar con el. Nese suposto o socorrista que advirte eso chamará á Policía e entón virá inmediatamente, controlaremos o tempo que vai tardar en chegar, para poder deter a esa persoa que acaba de roubar o bolso. E o outro soposto é que un bañista se encontra en dificultades na auga porque lle deu un infarto ou porque o leva a corrente e ao sacalo da auga o socorrista lle prestará os primeiros auxilios e posteriormente, vendo que non e capaz de reanimalo, chamaremos a unha ambulancia medicalizada do 061 para poder levalo ao hospital correspondente”.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xoves dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
