O CONCELLO PIDE A COLABORACIÓN DE ABSA E DA ASOCIACIÓN DE EXPORTADORES DE PEIXE PARA EVITAR QUE OS CAMIÓNS QUE TRABALLAN NO PORTO VERTAN OS LÍQUIDOS DOS SEUS ISOTERMOS POLAS RÚAS DE BURELA. ESTA SITUACIÓN, SEGUNDO FERNÁNDEZ VALLE, ESTÁ A XENERAR MOITAS QUEIXAS VECIÑAIS.
Burela, 10 de agosto de 2012. O Concello enviou escritos a Armadores de Burela e á Asociación de Exportadores de Peixe en demanda de colaboración para evitar que os camións que traballan no porto vertan o líquido dos seus isotermos polas rúas da vila. O equipo de goberno recibe moitas queixas dos veciños polo forte cheiro que esto ocasiona, segundo explica o tenente de alcalde e concelleiro de Tráfico, Manuel Fernández Valle.
O edil popular dixo que “durante este verán, ao igual que en anos anteriores, nos atopamos cos problemas que plantexan algúns dos camións que transportan o peixe que se desembarca en Absa. Algúns deses vehículos saen cos grifos de desaugue abertos e van verquendo o líquido dos seus isotermos polas rúas da vila cando saen de Burela, e en días de calor esto provoca un olor moi molesto”.
Fernández Valle indicou que “tendo en conta que ademáis eso é ilegal porque as normas vixentes de tráfico prohíben que os camións isotermos vertan ningún tipo de líquido á estrada, estamos a adoptar as medidas pertinentes para que eso non ocurra. Desde o equipo de goberno temos a firme intención de evitar que esto se siga a producir porque recibimos queixas de veciños, que nos din que en certos días non poden abrir as súas ventás polo cheiro pestilento que ás veces lles chega ás vivendas”.
O concelleiro de Tráfico sinalou que “desde o Concello temos falado con Armadores de Burela e coa Asociación de Exportadores de Peixe. Sabemos que esta problemática non é competencia de Absa, pero pensamos que poden axudarnos a solucionala. E a Asociación de Exportadores nos pode botar unha man porque pode chegar ás empresas de fora de Burela, que teñen camións traballando aquí para que esta situación se corrixa. Si vemos que esto se segue a manter actuaremos conforme á lei”.
Manuel Fernández Valle engadiu que “desde a Alcaldía se ten enviado unha carta a Armadores de Burela pedíndolles a súa colaboración e sabemos que así vai ser e tamén á Asociación de Exportadores de Peixe pedíndolles a súa intermediación coas empresas de fora de Burela que traballan no muelle para que fagan o posible por evitar unha situación que é molesta”.
Desde o equipo de goberno queren deixar claro que “non estamos a poñer trabas a ninguén para traballar. Somos perfectamente conscientes da enorme riqueza que xenera o movemento de peixe no porto, pero eso non quita que os conductores dos camións cumpran coa normativa vixente en materia de tráfico, que prohíbe de forma taxativa o verquido de calquera produto á vía pública. Sabemos que contamos coa colaboración de Absa e dos exportadores. Agardamos que se arranxe polas boas e a través do diálogo, pero de non ser así faremos cumprir as medidas que aparecen na normativa vixente tal e como o alcalde lles comunicou por escrito aos armadores e aos exportadores de peixe”.
No curso traballáronse técnicas antigas de Ju Jutsu e Aiki Jujutsu. Desprazáronse profesores e alumnos avanzados de diferentes recunchos de España, así como de Portugal, Ucrania, Países Baixos, Suecia e Bélxica. A alcaldesa, Dolores García Caramés, quixo achegarse ata o pavillón do CEIP Península da Paz para saudar ás persoas asistentes e felicitou unha vez máis a Miguel Ángel Rojo por volver poñer a Cervo no mapa a nivel Europeo en canto a seminarios de artes marciais do máximo nivel.
Este luns tivo lugar a presentación do cartaz. Estiveron presentes os organizadores, membros da Asociación de Festexos A Medorra (Jordi Meitín, Julio Lamelas e Borja Cociña) acompañados da Primeira Tenente de Alcalde Mª Dolores Meitín. Ás 12 da mañá dará comezo a festa co pregón a cargo de Basilio Otero, presidente da Federación Nacional de Cofradías de Pescadores. A xornada gastronómica estará amenizada por “Os Charangos de Neda” e polos cantos de taberna de “Espera que vou mexar”.
Unha maneira divertida e creativa de reciclar mentres soñan con aventuras baixo o mar.
Este mércores, 9 de xullo, a partir das 12h o Concello organiza unha excursión en kayak desde o porto de O Vicedo ata o Río Sor. Trátase dunha excursión dunhas 2 horas onde se fai un percorrido fantástico cruzando a ría para emprender a subida polo río Sor, pasando por debaixo das pontes sobre o río, Illa de S. Martín, Negradas e rematando na contorna de Ribeiras do Sor. Unha actividade para todas as idades que ten un custe de 20 € por persoa. Inclúe materiais e transporte de regreso desde Ribeiras do Sor ata o Porto do Vicedo. Inscricións no 982 59 01 95 en horario de mañá e tarde.
O Club Shitokai Galicia A Mariña presentou a catro aspirantes que resultaron aprobados: Carlos Fernández e Elena Dovale: 2º Dan (coa inestimable colaboración de Alejandra Gómez nos traballos técnicos por parellas). Gael Álvarez e Cristian Rancaño: Cinto Negro. Con estes resultados alcanzaron xa a cifra de 160 Cintos Negros Oficiais RFEK recoñecidos por CSD. A destacar o magnífico traballo realizado por todos os aspirantes.
Nada se puido facer por salvarlle a vida. O 112 Galicia foi coñecedor deste suceso uns vinte minutos antes das 14:00 horas deste domingo, momento no que un coche e unha moto colidiron, co motorista inconsciente logo do impacto. Desde o CIAE 112 Galicia solicitouse a intervención do Servizo de Urxencias Sanitarias de Galicia-061, do GES de Ortigueira, da Garda Civil de Tráfico e da Policía Local. Os medios acudiron ata o punto, no quilómetro 49 da AC-862, pero só puideron confirmar o falecemento do motorista.
Entregaron os agasallos a edil de Medio Ambiente, Mali Méndez, e o concelleiro Alfredo Fernández. 1º Premio: Banco de Loiba, de Diego Pérez Dopico. 2º Premio: Bolboretas: sementadoras de vida, de Germán Paleo Navarro e Paz, de Marcial Fernández. TOP CERVO: Ruínas, de Consuelo Fra Fernández e Paz, de Marcial Fernández. Mención especial para Adaoemam A Mariña "por ser sempre tan participativa en todas cantas iniciativas se promoven desde o Concello".
