A conselleira de Medio Ambiente e Cambio Climático visitou hoxe Begonte, un dos concellos beneficiarios das convocatorias deste ano
Begonte, 18 de agosto de 2025. A Xunta de Galicia concedeu este ano máis dun cento de axudas a concellos de menos de 20.000 habitantes para axudarlles a financiar ata o 100% do custo de distintos tipos de obras destinadas a mellorar o funcionamento das súas redes de abastecemento e de saneamento.
Así o destacou esta mañá en Begonte a conselleira de Medio Ambiente e Cambio Climático, Ángeles Vázquez, quen lembrou que Augas de Galicia outorgou a través destes incentivos un total de 5 millóns de euros, repartidos en achegas de, como máximo, 45.000 euros por actuación.
Precisamente, o concello lucense de Begonte foi un dos que resultou beneficiario no marco da actual convocatoria; en concreto, recibiu unha axuda de 43.395,91 euros para mellorar o funcionamento da traída de augas municipal e á vez, reducir posibles fugas e perdas, e outra por importe de 45.000 euros para optimizar a rede de saneamento mediante a diminución das infiltracións.
Ao respecto, a responsable autonómica indicou que no caso do abastecemento, os traballos previstos comezarán en setembro e implicarán a substitución de varios colectores que presentan fugas en distintos núcleos rurais do municipio, a dixitalización da rede mediante contadores de caudal e outro tipo de melloras como a reposición do pavimento nalgúns puntos ou a instalación de arquetas e válvulas.
A outra actuación con financiamento por parte de Augas de Galicia no Concello de Begonte —tamén con data de inicio prevista para o mes de setembro— busca reducir as infiltracións de augas pluviais ou freáticas na rede de saneamento municipal para mellorar deste xeito o funcionamento da actual EDAR e reducir os custos de bombeo, explotación e mantemento.
En ambos casos, a conselleira salientou que aínda que se tratan de obras pequenas, teñen unha gran transcendencia para o municipio ao tempo que sinalou que os traballos previstos en Begonte permitirán darlle continuidade e completar as auditorías realizadas nos anos 2022 e 2024, grazas tamén a dúas axudas de Augas de Galicia.
Neste sentido, lembrou que a realización deste tipo de estudos permiten facer unha diagnose técnica e axeitada do funcionamento das redes municipais de augas, axudando a detectar os seus puntos débiles e propoñendo solucións aos problemas identificados xa que inciden na calidade dos servizos hidráulicos que se prestan.
Cómpre lembrar que grazas a estes incentivos económicos, a Xunta axudou a realizar xa 177 auditorías de abastecemento e de saneamento en toda Galicia nos últimos anos. En 2025 volveu convocar dúas ordes de axudas co mesmo fin, dotadas cun orzamento global de 1,4 millóns de euros e que permitirán encargar máis de 100 novas análises sobre o estado das traídas municipais e das redes de depuración.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
