A instalación fotovoltaica permitirá un aforro superior ao 80 % na factura eléctrica e reducirá máis de 8 toneladas de CO₂ ao ano
Burela, 18 de agosto de 2025. O Concello de Burela vén de finalizar a obra de instalación dunha planta solar fotovoltaica de autoconsumo no pavillón Vista Alegre, unha actuación financiada con fondos FEDER da Unión Europea (programa 2021-2027) e destinada a mellorar a eficiencia enerxética das instalacións municipais.
Trátase dunha instalación de 20 kW de potencia nominal, situada na cuberta do pavillón e composta por 56 paneis solares fotovoltaicos. Grazas a este proxecto, o Concello poderá cubrir practicamente a totalidade da demanda eléctrica deste espazo deportivo, acadando un aforro superior ao 80 % na factura da luz.
O investimento ascendeu a 27.050,76 euros, cunha achega do 60 % procedente dos fondos europeos FEDER, o que supón unha subvención de 16.230,46 euros.
Segundo explicou o concelleiro de obras, Ramiro Fernández, “o pavillón Vista Alegre é unha instalación moi empregada por diferentes clubs e colectivos deportivos, polo que este aforro supón unha mellora importante non só a nivel económico, senón tamén ambiental. Os cartos que conseguimos aforrar en enerxía poderemos reinvestilos en servizos e obras para a veciñanza”, asegurou o edil.
Fernández destacou ademais que esta intervención permitirá reducir unhas 8,08 toneladas de CO₂ ao ano, contribuíndo á loita contra o cambio climático.
“Temos claro que o camiño é apostar polas renovables, diminuír o consumo e impulsar proxectos que melloren a calidade de vida da cidadanía. Seguiremos traballando nesta liña para facer de Burela un concello máis sostible e eficiente”, engadiu.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
