O Presidente asinou un convenio de colaboración co presidente da Asociación Saúde Mental A Mariña para garantir a asistencia continuada ás persoas con enfermidade mental persistente que a entidade presta neste centro do municipio burelés
Lugo, 20 de agosto de 2025. O Presidente da Deputación de Lugo, José Tomé Roca, asinou no Pazo de San Marcos un acordo de colaboración co presidente da Asociación Saúde Mental A Mariña, Jorge Manchado Rivero, a través do que a institución provincial realiza unha achega económica de 15.000 euros a esta entidade para dar continuidade ao labor asistencial que presta no Centro de Rehabilitación Psicosocial e Laboral de Burela, un dos sete complexos dos que dispón este colectivo, que presta atención diaria a 25 usuarios e usuarias.
José Tomé subliñou o importante traballo que realiza esta asociación na mellora da calidade de vida dos seus usuarios e usuarias, así como na atención ás súas familias. Así mesmo fixo fincapé “na necesidade de avanzar na integración social e no apoio constante a un colectivo que precisa dunha atención especializada e continuada”.
A achega da Deputación contribuirá a cubrir os gastos correntes do centro, que ofrece atención diaria de luns a venres a 25 persoas usuarias, mediante programas de rehabilitación psicosocial e prelaboral. As intervencións inclúen obradoiros de pintura, arteterapia, estimulación cognitiva, informática ou costura adaptada; atención psicolóxica individual e grupal; terapia familiar e actividades de vida diaria e habilidades sociais.
Esta colaboración garante unha atención integral e personalizada, favorece o desenvolvemento persoal das persoas usuarias e impulsa a súa autonomía, facilitando tamén o apoio necesario ás súas familias.
Asociación Saúde Mental A Mariña
A Asociación Saúde Mental A Mariña leva desde 1999 prestando asistencia continuada a persoas con enfermidade mental na comarca. Conta con sete dispositivos especializados en varios concellos da Mariña lucense, entre eles, centros de rehabilitación en Burela, Ribadeo e Viveiro, unha unidade residencial, unha residencia resort, un piso protexido e unha vivenda tutelada para mulleres vítimas de violencia de xénero con enfermidade mental.
A entidade atende de forma directa a arredor de 150 persoas, converténdose nun referente en saúde mental comunitaria na provincia de Lugo e en toda Galicia.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
