Ribadeo, 19 de agosto de 2025. Ribadeo mellorará a marxe galega da ría a través de fondos europeos (Life Fluvial). O investimento, que contempla a repoboación con especies autóctonas, ascende a 800.000 euros.
O alcalde, Dani Vega, explicou que “seguimos investindo e mellorando todos os espazos verdes. E neste caso, volvemos a xestionar fondos europeos. Somos o concello que mais fondos europeos xestionou. Estamos a falar do Life fluvial, que neste caso vamos captar máis de 800.000 euros de inversión para toda a zona da ría de Ribadeo, nos terreos da marxe galega. Isto vai ter un obxectivo, que é seguir eliminando eucaliptos, especies vexetais exóticas, invasoras, para posteriormente repoboar estes terreos con especies propias do entorno”.
O rexedor dixo que “o Life Fluvial ten un obxectivo, que é a recuperación. Toda esta recuperación medioambiental da enseada da Vilavella, toda a senda peonil de conexión entre As Aceas e o Muíño de Mareas. Nesta segunda fase, Ribadeo captou, como dixen, estes máis de 800.000 euros. Isto, evidentemente, xestiónase nestes anos, pero evidentemente é un traballo feito de anos anteriores, que evidentemente hai que agradecer todo o que se fixo”.
Vega declarou: “nosoutros dende a humildade, profundamente responsables, con inversión, que significa darlle un valor engadido a toda unha zona que estaba degradada, a zona onde era todo un eucaliptal, con plantas invasoras e pouco produtivo, converteuse nun espazo verde, nun pulmón que moitas persoas utilizan para a práctica do deporte e que nós queremos seguir facendo este traballo. Está moi ben facer as cosas, o que hai é que é conservalas e polo tanto estes rebrotes dos eucaliptos hai que ir cortándoos para, pouco a pouco, eliminalos e ir incorporando planta autóctona”.
O rexedor cre que “esta vía verde, este pulmón, con esta inversión vamos seguir mellorándoa un quilómetros e medio máis e o que vamos seguir é tendo ese espazo conservado para seguir captando fondos europeos e seguir nese entorno na marxe galega, e por que non establecer vínculos con Asturias, para facer todo un cinto verde, que é o que deberamos facer”.
E engadiu: “nestes momentos o Concello de Ribadeo sigue un traballo que empezou hai anos con outro goberno, e é de agradecer todo iso que se fixo, captar fondos europeos. E seguimos investindo e mellorando este espazo natural, este pulmón verde, captando máis de 800.000 euros para conservar, mellorar e ampliar todo unha vía verde que é fundamental para a Ribadeo”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
