Os Enredos de verán achéganse á súa fin cun balance moi positivo de actividades e participación
-Esta semana os nenos e nenas xogan a buscar a oca perdida, a ser policías e practican atletismo
Cervo, 22 de agosto de 2012-Os Enredos de verán atópanse na súa sétima semana e o remate do programa por esta temporada estival de 2012 está máis preto. A próxima semana clausuraranse as actividades cunha festa para todos os participantes pero, a uns días do remate, o balance do Concello xa é moi positivo. Durante os meses de xullo e agosto, uns 65 nenos e nenas divididos por categorías de idade participaron en numerosas actividades que os mantiveron activos toda a mañá.
“Os pequenos estiveron entretidos durante todas estas semanas, pero non podemos esquecer a vertente didáctica das actividades, xa que durante todo este tempo aprenderon novas destrezas, concienciáronse sobre o coidado do medio ambiente, espertaron a súa mente, cada semana practicaron un deporte diferente e relacionáronse con outros nenos e nenas da súa idade” explica a edil de Educación, Pilar Armada. Polo tanto, para a concelleira, o balance é “máis que positivo, tanto pola calidade e variedade das actividades como pola participación e os bos resultados, xa que é moi satisfactorio ver o ben que o pasan, o bo ambiente que se respira e a harmonía que existe entre os cativos e os monitores”, engade a edil.
Durante estas sete semanas, os cativos e cativas realizaron traballos manuais relacionados coa reciclaxe, xogaron a ser xornalistas, pintaron camisetas, aprenderon a cociñar, ou xogaron a ser piratas entre outras moitas actividades e practicaron deportes como ximnasia, baloncesto, voleibol, tenis, fútbol, hockey ou atletismo nuns Enredos de verán dedicados este ano aos Xogos Olímpicos. Ademais, houbo semanas nas que as actividades estiveron relacionadas coa actualidade dese momento, como é o caso da semana previa á Maruxaina, na que os pequenos crearon o seu propio cartel da festa e vestíronse de Maruxainas e Maruxainos.
Pero mentres non se clausuran, as actividades continúan. Esta semana os eventos lúdicos predominan no calendario, co macropoly, o xogo de buscar a oca perdida ou a recreación dunha comisaría de policía na que os pequenos tiveron que superar diversas probas de habilidade. O venres, como é habitual, está dedicado á práctica de deporte. Esta semana, en concreto, será a quenda do atletismo.
“Dende o Concello”, engade Armada, “consideramos que este é un programa imprescindible nos veráns de Cervo, porque combina aprendizaxe, diversión e exercicio físico a partes iguais e a súa excelente acollida anímanos a continuar poñendo en marcha este programa nos vindeiros anos” remata a concelleira.
Foi impartida polo sumiller Alberto Vega. A Masterclass buscou aportar coñecemento, fomentar a posta en valor do produto e seguir reforzando a formación e profesionalización do sector dentro da programación de Ribadeo Sabe. Ata a Praza de Abastos se achegaron o alcalde de Ribadeo, Dani Vega, a concelleira de Comercio, Marta Saiz, a presidenta e o xerente de Acisa, Carmen Cruzado e Jesús Pérez. O Ribadeo Sabe terá lugar do 14 ao 17 de maio en 22 locais hostaleiros, que ultiman os preparativos para sorprender con elaboradas e saborosas propostas.
Esta nova publicación, que fai o número 19 da colección periódica do SEVA, recolle unha parte esencial do patrimonio musical e oral do Valadouro. Os compiladores da obra son Manuel Lourenzo —xa falecido—, Isaac Ferreira e Xesús Pisón, quen contribuíron a preservar e poñer en valor este legado cultural.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
Será o sábado 9 de maio ás 20 horas na Casa da Cultura. Homenaxeado: Xesús do Breogán, pola súa contribución á cultura e ao concello. Organiza: Son’s Varadero Foz. Colabora: Concello de Foz
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
