O CONCELLO ACOMETERÁ DISTINTAS ACTUACIÓNS DE ACONDICIONAMENTO DO PAVILLÓN VISTA ALEGRE A PETICIÓN DO BURELA FS, QUE A VINDEIRA TEMPORADA XOGARÁ TANTO CO EQUIPO MASCULINO COMA CO FEMININO EN DIVISIÓN DE HORNA. OS TRABALLOS DARÁN COMEZO MAÑÁ.
Burela, 22 de agosto de 2012. O Concello acometerá distintas actuacións de acondicionamento do pavillón de deportes Vista Alegre a petición do Burela FS, que a vindeira temporada xogará tanto co equipo masculino coma co feminino en División de Honra. O alcalde, José Mª González Barcia, a concelleira de Deportes, Beatriz Piñeiro, e Antonio Ródenas, directivo do Burela FS, visitaron esta mañá as instalacións.
O rexedor anunciou que “desde o Concello de Burela imos acometer distintas actuacións de acondicionamento do pavillón de deportes Vista Alegre de cara ao comezo da próxima temporada, fundamentalmente a petición do Burela Fútbol Sala que, como se sabe, esta próxima temporada vai xogar tanto co equipo masculino como co feminino en División de Honra”.
González Barcia explicou que “houbo conversas coa xunta directiva durante todo este verán e un dos acordos ao que chegamos (hai algún máis que xa se irá dando a coñecer no seu momento) é o de levar a cabo unha serie de pequenas actuacións de cara a acondicionar o pavillón Vista Alegre. Unha delas é mover a grada metálica que actualmente está na zona leste cara adiante para permitir a perfecta visión da cancha de xogo por parte dos espectadores que se coloquen nese fondo”.
O alcalde relatou que “outra actuación que se vai levar a cabo é a de colocar butacas na grada que agora mesmo está de cemento e baleira. Aí caben aproximadamente unhas 400 persoas sentadas. E outra actuación máis, que xa está en boa parte feita, é o acondicionamento da zona reservada para o palco de autoridades, representantes de institucións, etc, que vai ter unha cabida para 26 persoas e que vai estar perfectamente delimitada, tal e como se fai noutros pavillóns e a petición da Liga Nacional de Fútbol Sala”.
O equipo de goberno entende que “con estas actuacións o pavillón Vista Alegre queda en condicións de ser usado, segundo os requisitos, que por certo este ano son mínimos, feitos pola Liga de Fútbol Sala”.
José Mª González Barcia indicou que “agora mesmo se van acometer as actuacións, xa se vai empezar mañá. Hoxe pola mañá tanto a concelleira de Deportes, Beatriz Piñeiro, como eu mesmo estivemos con técnicos do Concello e con representantes da xunta directiva do Burela Fútbol Sala visitando o propio pavillón e ultimando os detalles destas actuacións que queremos que estean completamente listas para o próximo 15 de setembro, que é o día no que empeza oficialmente a liga de fútbol sala a nivel nacional”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
