UNIFOZ, xunto co resto de portavoces municipais, está convocado para este venres, ás 12:00 h no Concello, para ter xuntanza con técnicos da Xunta (Augas de Galicia) que nos informarán sobre o contido do estudo feito para o tratamento das augas residuais de Foz.
UNIFOZ pediulle ao alcalde que nesa xuntanza estea tamén un técnico dos que elaboraron o estudo, para poder ter resposta dalgunhas cuestións importantes como:
– Antes de traballar na proposta de inutilizar a EDAR de Foz, realizouse un estudo para analizar porque non funciona correctamente?
– Cal é a capacidade real de depuración da EDAR de Foz?
– Dentro das catro propostas, hai dúas que contemplan manter a EDAR de Foz xunto coa nova EDAR. Como é posible que esta EDAR fora das mesmas dimensións que se funcionara en solitario??
– Canto custaría aos veciños o mantemento da suposta posta en marcha da nova EDAR?
– Como é posible que nun prazo de 6 anos, co encargo de diferentes estudos se saquen diferentes e diversas conclusións?
– Nos últimos anos a Xunta de Galicia fixo diferentes informes-estudos para dar solución ao tratamento das augas residuais, e como resultado por todos coñecido resulta que temos:
1. Unha EDAR no porto de Foz que NON funciona, a pesar de ser deseñada para 15.000 habitantes e coa última tecnoloxía que, segundo os técnicos, podería case beberse a auga que se verte á ría.
2. Un estudo que decidía unha nova EDAR en Forxán como alternativa á anterior.
3. Un estudo, supostamente feito a medida, que sitúa a nova EDAR en Sarrido.
UNIFOZ, valora positivamente a rectificación do Sr. Alcalde que se hai uns días dixo que se os grupos da oposición non apoian a decisión de instalar a EDAR en Sarrido, sairá cos votos favorables do PP, e agora di que será a maioría da Corporación quen decida a proposta a tomar.
UNIFOZ, antes de tomar ningunha decisión sobre a construción dunha nova EDAR para Foz, quere que se faga un estudo serio, rigoroso, concluínte do estado de funcionamento da EDAR actual, así como posibles solucións e custo económico das mesmas para mellorar o seu funcionamento.
Así mesmo, solicita un informe valorado do custo dun proxecto de separación de augas pluviais para Foz, pois non parece lóxico que se sigan gastando cartos en depurar masivamente augas pluviais.
Unifoz tamén quere que se faga informe sobre a dimensión real segundo as necesidades da posible construción dunha nova EDAR.
Unifoz informou dos resultados do estudo aos diferentes colectivos afectados por considerar que tiñan dereito a esa información, algo que entendemos tiña que facer o Sr. Alcalde, pois como é posible que se fale dese informe e non se remita as AA.VV respectivas??
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
