Es posible que tu navegador no permita visualizar esta imagen.
O rexedor mindoniense unha vez máis desatende as demandas dos veciños e elude o seu deber como xestor
O PP de Mondoñedo esíxelle a Orlando González que se preocupe do rural mindoniense e dea solucións as demandas trasladadas polos veciños de Masma
O PP denuncia que o equipo de goberno non solvente as carencias na traída de auga que sufre a parroquia de Masma, tendo en conta que os veciños lles deron traslado desta problemática
O Grupo Popular pídelle ao goberno mindoniense que asuma as súas competencias e resolva os problemas que afectan aos veciños, sen evitar as súas responsabilidades e culpabilizar da situación a outros
Mondoñedo, 23 de agosto de 2012- O Partido Popular de Mondoñedo vese na obriga de esixirlle unha vez máis ao rexedor local, Orlando González, maior responsabilidade na súa xestión. Os populares pídenlle ao nacionalista que se preocupe polo rural mindoniense e dea solucións as demandas trasladadas polos veciños no lugar de eludir as súas responsabilidades como xestor.
Os populares realizan estas declaracións en relación a resposta manifestada polo equipo de goberno aos veciños da parroquia de Masma, cando estes lles trasladaron a súa problemática sobre o abastecemento de auga. Segundo lles información os afectados ao grupo local do Partido Popular de Mondoñedo, Orlando González non lles propón solucións as dificultades que sofren os veciños desta parroquia á hora de dispoñer dun servicio eficaz de auga nas súas residencias.
Os veciños de Masma denunciáronlle ao alcalde mindoniense a deficiencia no servicio de auga durante os meses no verán. Inclusive, durante esta semana os residentes dos barrios do Castro e da Seara non dispuxeron do servizo de auga nas súas casas. A esta problemática que se dá en época de seca, súmanselle as fugas que experimenta a traída en diferentes puntos da canalización. Ademais de sufrir a carencia deste servicio durante o verán, nos meses de inverno ou días de choiva a auga chega as billas particulares con lodo.
Segundo denuncian os populares, Orlando González elude a súa responsabilidade e non ofrece solucións a unha situación que afecta ao día a día dos veciños da parroquia de Masma, tanto na súa vida persoal como laboral, especialmente ás explotacións agrarias.
Dado esto, o PP local pídelle ao goberno mindoniense que asuma as súas competencias e resolva os problemas que afectan aos veciños, sen evitar as súas responsabilidade e culpabilizar da situación a empresa concesionaria.
Segundo é o seu deber, o Grupo Popular preguntou en pleno por esta situación e segundo manifestan os populares a resposta do rexedor local e máis do responsable de obras non satisface aos populares. O grupo municipal móstrase escéptico en que se solucione esta problemática co trasteo de auga dende a fonte da Regañada na parroquia de Vilamor por dificultades orográficas.
Tendo en conta que os veciños de Masma non teñen auga nas súas casas en días de verán e durante os días de choiva esta chega con lodo, os afectados pregúntanse por qué teñen que seguir pagando este servicio.
Ademais os populares recordan que esta non é a única demanda trasladada polos veciños de Masma ao equipo de goberno e que o concello non solventou. O Grupo Popular denunciou tamén en varias ocasións o mal estado dunha das pontes que cruza o río Masma na parroquia, ao non presentar ‘barandillas’ que garantan a seguridade. A colaboración do concello limitouse a colocar unhas cintas sinalizadoras.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
