VIVEIRO ÉNCHESE ESTA SEMANA DE LETRAS, COA SÚA 16ª FEIRA DO LIBRO
A cita coa literatura acontecerá nos Xardíns de Noriega Varela
13 de agosto de 2012.- Viveiro vive esta semana a súa cita anual coa mellor literatura, coa 16ª edición da súa Feira do Libro.
Desde hoxe e ata o xoves 16, os Xardíns de Noriega Varela da localidade serán o emprazamento para esta xuntanza. O seu horario é mañás de 12:00 a 14:00 horas; e seráns, de 18:00 a 22:30 horas.
Os sorteos diarios de libros e o 10% de desconto nas adquisicións son un atractivo engadido para este evento.
A listaxe dos postos conta con: Libraría Porta da Vila (Viveiro); Libraría Cartabón (Vigo); Librería Aenea (Santiago); Librería Tanxencias Cómics (A Coruña); Librería Couceiro (A Coruña); Libraría Lector Nóbel (Burela); Libraría Stelia (Santiago); Seminario de Estudos Terras de Viveiro; e máis a Deputación Provincial de Lugo.
A Federación de Libreiros de Galicia, co patrocinio da Consellería de Cultura, Educación e Ordenación Universitaria, organiza a xeira de feiras do libro. Viveiro é a súa sétima etapa, despois das de Ferrol, Santiago, Lugo, Ourense, Vigo e A Coruña e conta coa colaboración do Concello de Viveiro e da Deputación Provincial de Lugo.
A Comisión de Honra da Feira conta con Alberto Núñez Feijóo, presidente da Xunta de Galicia; Melchor Roel Rivas, alcalde de Viveiro; Xesús Vázquez Abad, conselleiro de Cultura, Educación e Ordenación Universitaria; Anxo M. Lorenzo Suárez, secretario xeral de Cultura; e Pilar Rodríguez Álvarez, presidenta da Federación de Libreiros de Galicia.
Na Comisión técnica toman parte Pilar Rodríguez Álvarez e Antonio Fernández Maira. A dirección técnica é de María del Carmen Lage López
PROGRAMA DE ACTIVIDADES
Día 13. Luns
11.00
Apertura da feira.
12.00
Pasarrúas pola feira.
13.00
Inauguración da Feira do Libro.
Pregón infantil a cargo de Carmen Novo González alumna do IES Vilar Ponte.
Pregón inaugural a cargo do escritor Xavier Alcalá.
Actuación do Grupo de Gaitas da Agrupación Penalba, de Celeiro.
18:30
Feira Infantil: Contacontos e creación de persoaxes , a cargo de Alba Guijarro Infante. Contacontos activo onde os rapaces crean previamente os títeres protagonistas.
19.30
Presentación do libro Verde Oliva, de Xavier Alcalá, publicado en galego por Editorial Galaxia e en castelán por editorial Nowtilus. Xunto co autor participa no acto o xornalista Ernesto Sánchez Pombo.
20.30
Presentación do libro Xardín de inverno da escritora Ledicia Costas e publicado pola Editorial Everest Galicia. Participan a autora, Montse Penas Presas, crítica literaria e especialista en LIX e Daniel Puente Bello, ilustrador do libro.
21.00
Presentación do libro Medievalario, de Fran Zabaleta, publicado por Redelibros.
21.30
Mesa redonda “Segredos da novela histórica”. Participan: Marcos Calveiro (Settecento. Edicións Xerais), Pere Tobaruela (Poñente. Edicións Xerais) e Fran Zabaleta (Medievalario. Editorial Redelibros).
22.15
Sorteo dun lote de libros.
Día 14. Martes
12.30
Pasarrúas pola feira.
19:00
Feira Infantil: Obradoiros de Marcapáxinas e Cómics, a cargo de Iria Quelle.
20.00
Presentación do libro Viveiro, unha guía histórica de Miguel Novo Güisan e Luz María Martínez Arias, publicado pola Librería Porta da Vila. Xunto co autor, participa no acto Melchor Roel Rivas, alcalde da cidade.
22.15
Sorteo dun lote de libros
Día 15. Mércores
12.30
Pasarrúas pola feira.
19.00
Feira infantil: Obradoiro de percusión con contacontos., a cargo de Iria Quelle.
Os rapaces dan vida á historia: uns encárganse do relato do conto , outros incorporan o son con materiais reciclados.
20.00
Presentación do libro Viveiro en la prensa histórica. 1741 – 1850, do escritor Julio Fernández–Sanguino y Fernández, publicado por Editorial Visión Libros. Xunto co autor, participa no acto o Cronista Oficial de Viveiro, Carlos Nuevo.
22.15 Sorteo dun lote de libros.
Día 16. Xoves
12.30
Pasarrúas pola feira.
19.00
Obradoiro: A escritora Cristina Corral Soilán e a ilustradora Aurora Cascudo Román realizarán un obradoiro interactivo de lectura e debuxo para nenos e maiores, arredor do seu libro Os poemas do río, publicado por Everest Galicia. Ao remate do acto, asinarán exemplares do libro.
20.00
Presentación do libro Finisterrae. Los faros de Galicia, de Xulio Villarino, publicado pola editorial Primerapersona.
Xunto co autor, participa no acto o escritor e xornalista Ramón Pernas.
21.00
Presentación do libro Assur do escritor Francisco Narla e publicado pola editorial Temas de Hoy.
22.15
Sorteo dun lote de libros.
22.30
Peche da Feira do Libro.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
