Volven as Escolas Deportivas Municipais cunha decena de actividades para nenos e adultos
-Esta tarde tivo lugar a presentación do programa para o curso 2012-2013
-O prazo de inscrición xa está aberto e os impresos pódense recoller na Casa do Concello ou na Casa da Cultura
Cervo, 20 de setembro de 2012-A oferta de actividades incluídas nas Escolas Deportivas Municipais xa está preparada. Esta tarde o Concello presentou o programa completo ante a veciñanza nun acto público ao que estaban convocadas todas as persoas interesadas en coñecer as distintas modalidades que se impartirán este curso así como todos os detalles da nova temporada.
As Escolas Deportivas Municipais ofrecen unha decena de disciplinas dirixidas a públicos diferentes, dende nenos e nenas ata adultos e que se imparten en varias instalacións do Concello, dependo da modalidade deportiva, das necesidades de espazo ou das características do pavimento. O programa combina xogos para os máis pequenos con deportes de balón e de raqueta, patinaxe, ou modalidades aeróbicas e ximnásticas, unha oferta moi variada para cubrir as demandas e os gustos do maior número de persoas posible.
Actividades para nenos e mozos
Deste xeito, durante este curso os nenos e nenas nacidos entre o 2007 e o 2009 poderán participar nos pequexogos, que se impartirán en San Ciprián e en Cervo, e que buscan a adquisición dos valores do xogo, relacionarse cos compañeiros e iniciarse na práctica doutros deportes.
Para os nados entre o 2007 e o 1997 a oferta inclúe a práctica de baloncesto, fútbol sala e multideporte (hockei, atletismo, orientación, pádel, badminton…) no pavillón da Veiga; e patinaxe artística no pavillón do CEIP Cervo. Ademais, impartirase tenis en ambas localidades.
Actividades para adultos
As persoas adultas poderán elixir entre ximnasia de mantemento, aeróbic e pilates que se impartirá en San Ciprián e en Cervo.
A oferta, cos horarios e os lugares exactos, está detallada nos folletos difundidos na Casa do Concello e na Casa da Cultura, os mesmos edificios onde se pode realizar a inscrición. As clases iniciaranse o 1 de outubro e rematarán o 31 de maio.
Acudir a algunha ou varias das modalidades programadas nas Escolas Deportivas permite gozar ademais doutras vantaxes como a participación nos campionatos correspondentes ás actividades impartidas, así como en torneos comarcais e provinciais. Tamén dá dereito a acudir a excursións de patinaxe á pista de xeo, a ver partidos de equipos da provincia como o Breogán ou o Burela FS ou a participar na saída de minisendeirismo para alumnado e pais e nais.
Unha oferta que a edil de Deportes valorou como “atractiva e variada” e que foi deseñada “pensando nas necesidades que poden ter os diferentes grupos de idade e os distintos niveis de actividade que queira ou poida manter cada persoa” co obxectivo de que “cada usuario atope a súa modalidade ideal e acuda a practica exercicio, porque do que se trata é de fomentar o deporte na sociedade cervense”.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xoves dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
