OS SOCIALISTAS LAMENTAN QUE OS ESFORZOS GASTADOS NA PROMOCIÓN DE CERVO EN TEXAS NON FOSEN RESERVADOS PARA UN MELLOR COIDADO DAS PRAIAS
-Fan un balance negativo do estado dos areias e zonas de ocio durante o período estival e esixen “outra actitude para que o vindeiro ano os servizos sexan moito mellores”
-Destacan que “o alcalde foi alertado da falta de limpeza e o abandono de certas zonas pero amosou moi pouca preocupación”
CERVO, 20 DE SETEMBRO. A falta de poucas horas para despedir o verán, dende o Concello retiran os equipamentos das praias e os membros do Grupo Municipal Socialistas fan un balance negativo do interese amosado dende o goberno por manter os areais do municipio nun estado decente durante todo o período estival, “esiximos que o vindeiro ano a limpeza e os servizos prestados nas praias sexan moito mellores que os ofertados este verán”.
Os socialistas aseguran que a falta de limpeza nos areais estivo presente dende o inicio ó fin da tempada estival, “veciños e visitantes poideron comprobar a presencia de plásticos, cristais, residuos orgánicos e incluso algas en descomposición, pero é que o señor Villares estaba alertado de todo isto polos seus compañeiros da Consellería de Sanidade e o único que fixo foi mirar para outro lado”.
O mesmo desinterese que amosa ante outros problemas dos que tamén informaron dende o GMS como “o vergonzoso estado dos accesos á praia de Cubelas, o mal estado do paseo de madeira que percorre o areal ou a pouca preocupación por repoñer varias columnas do paseo da Ría que siguen dende hai tempo tiradas no río”.
Subliñan que “son destacables o interese e a adicación amosados polo equipo de goberno para estar presentes estes días na Semana de Galicia en Texas pero cren moito máis importante que eses esforzos sexan reservados para ter perfectamente acondicionado o noso Concello, porque a promoción de Cervo debe comezar cos propios veciños e cando sobre o tempo e os recursos podemos cruzar o charco tranquilos. Pero precisamente non estamos nesa situación senón todo o contrario”.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
