A Deputación oferta máis de 600 horas de formación para empregados públicos con 19 cursos do Plan Agrupado
– Trátase de 10 novos cursos que, xunto cos 9 xa convocados, poñen a disposición dos traballadores das Administracións un total de 615 prazas e máis de 600 horas de formación
-Algunha das materias sobre as que versarán estes cursos son a inserción sociolaboral de desempregados, xestión orzamentaria, recadación tributaria, servizos sociais ou a aplicación da lei concursal ou da reforma laboral nas Administracións Públicas
– Máis información www.deputacionlugo.com. O prazo de presentación de solicitudes para estes cursos remata o 7 de novembro, mentres que o prazo para solicitar os convocados a pasada semana continuará aberto ata o 30 de outubro
Unha nova convocatoria de cursos pertencentes ó Plan Agrupado de Formación Continua da Deputación de Lugo fíxose pública hoxe no Boletín Oficial da Provincia. Trátase de 10 novos cursos dirixidos a todos os empregados públicos da provincia, que poderán optar a algunha das 315 novas prazas dispoñibles. Deste xeito, e tendo en conta que a institución provincial vén de publicar, a pasada semana, a 1ª convocatoria deste plan formativo, son un total de 615 as prazas para recibir as máis de 600 horas de formación totalmente gratuíta que pón en marcha a Deputación de Lugo.
A oferta formativa é moi variada, xa que as accións formativas programadas diríxense a sectores da administración ben diferentes. Materias coma xestión orzamentaria, inserción laboral de desempregados, xestión catastral, xestión de programas europeos, a lei concursal ou a reforma laboral, fan interesante esta formación para traballadores que prestan servizos en áreas coma as de servizos sociais, áreas xurídicas, de xestión tributaria e recadación ou recursos humanos. Tamén hai formación destinada a funcionarios con habilitación de carácter estatal e mesmo bombeiros e persoal das Agrupacións de Protección Civil, xa que unha das accións formativas tratará sobre as técnicas de desbloqueo en montacargas e ascensores.
As accións formativas comezarán a partires do 14 de novembro e se desenvolverán ata finais de ano, se ben hai 4 que se imparten “on line”. O resto se celebraran nas Aulas de Formación do Pazo provincial e no Parque de Bombeiros da capital
10 novos cursos
Os cursos dispoñibles son os os seguintes:
A inserción sociolaboral de persoas desempregadas “on line”
Destinatarios: Axentes de desenvolvemento local, axentes de emprego, traballadores sociais, mediadores e educadores sociais, animadores socioculturais, etc. da Administración Local da
provincia de Lugo
Nº de edicións: 01
Participantes por edición: 50
Horas por edición: 40
Calendario previsto: Do 19 novembro ó 21 decembro de 2012
Lei Orgánica de Protección de Datos de carácter persoal nas Administracións Públicas “on line”
Destinatarios: Persoal técnico e administrativo da Administración Local da provincia de Lugo que desempeñe as súas funcións na área xurídico-procedemental
Nº de edicións: 01
Participantes por edición: 50
Horas por edición: 30
Calendario previsto: Do 26 novembro ó 20 decembro de 2012
Xestión orzamentaria, endebedamento e estabilidade orzamentaria no ámbito local
Destinatarios: Secretarios-interventores, funcionarios e persoal ó servizo da Administración
local da provincia de Lugo que desempeñen postos de traballo relacionados coa materia do
curso.
Nº de edicións: 01
Participantes por edición: 20
Horas por edición: 25
Calendario previsto: 10, 11, 12, 13, 17 e 18 decembro de 2012
Horario: Das 16:30 h. ás 20:30 h.
Procesos informáticos en materia de xestión e recadación tributaria
Destinatarios: Persoal da Administración Local da provincia de Lugo que necesite afondar no
coñecemento desta aplicación informática en xestión e recadación tributaria
Nº de edicións: 01
Participantes por edición: 20
Horas por edición: 20
Calendario previsto: Do 19 ó 23 de novembro de 2012
Horario: Das 16:30 h. ás 20:30 h.
Xestión catastral
Destinatarios: Persoal da Administración Local da provincia de Lugo cuxas funcións estean
relacionadas coa xestión catastral
Nº de edicións: 01
Participantes por edición: 20
Horas por edición: 20
Calendario previsto: Do 19 ó 23 de novembro de 2012
Horario: Das 16:30 h. ás 20:30 h.
Desbloqueo en montacargas elevadores e ascensores
Destinatarios: Bombeiros e persoal de Agrupacións de Protección Civil da provincia de Lugo
Nº de edicións: 01
Participantes por edición: 15
Horas por edición: 15
Calendario previsto: 26 e 27 de novembro 2012
Horario: Das 8:00 h. ás 15:00 h.
Lugar celebración: Parque dos Bombeiros de Lugo
Técnicas de xestión de equipos en servizos sociais
Destinatarios: Traballadores sociais, educadores sociais, animadores socioculturais e persoal
de servizos sociais da Administración Local da provincia de Lugo.
Nº de edicións: 01
Participantes por edición: 20
Horas por edición: 20
Calendario previsto: Do 26 ó 30 novembro 2012
Horario: Das 16:30 h. ás 20:30 h.
Programas Europeos e xestión internacional “on line”
Destinatarios: Xestores de proxectos europeos e técnicos especializados en innovación,
medioambiente e enerxía da Administración Local da provincia de Lugo, interesados na
internacionalización a través de fondos europeos.
Nº de edicións: 01
Participantes por edición: 50
Horas por edición: 80
Calendario previsto: Do 14 novembro ó 19 decembro 2012
Reforma da lei concursal: lei 38/2011 de reforma da lei 22/2003
Destinatarios: Funcionarios de Administración Local con habilitación de carácter estatal,
maxistrados e técnicos da Administración Local da provincia de Lugo
Nº de edicións: 01
Participantes por edición: 20
Horas por edición: 20
Calendario previsto: Do 10 ó 14 decembro de 2012
Horario: Das 16:30 h. ás 20:30 h.
Incidencia da Reforma Laboral nas Administracións Públicas “on line”
Destinatarios: Persoal técnico e administrativo da Administración Local da provincia de Lugo
cuxas funcións estean relacionadas coa xestión dos Recursos Humanos
Nº de edicións: 01
Participantes por edición: 50
Horas por edición: 30
Calendario previsto: Do 19 novembro ó 21 decembro 2012
Solicitudes antes do 7 de novembro
Todos os interesados en acceder a estas accións formativas, dispoñen de toda a información necesaria na páxina web www.deputacionlugo.com. Nesta páxina tamén poderán atopar e descargar o modelo de solicitude que deberán presentar, debidamente cuberto, no Rexistro Xeral da entidade, situado no edificio do Pazo provincial; por correo electrónico, no enderezo formacion@deputacionlugo.org; mediante fax dirixido ó número 982 260 169; por correo ordinario, enviando as instancias ó enderezo Rúa San Marcos, 8- 27001 Lugo; ou nos demais lugares sinalados no artigo 38.4 da Lei 30/19892, de 26 de novembro, de Réxime Xurídico das Administracións Públicas e do Procedemento Administrativo Común.
No caso dos cursos desta 2ª convocatoria, o prazo de presentación de solicitudes remata o 7 de novembro. Os interesados en participar nalgunha das accións formativas da 1ª convocatoria, aínda teñen aberto o prazo ata o día 30 de outubro.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
