A Deputación require á Xunta o pago dos 3,1 millóns de euros que lle adebeda este ano pola xestión dos hospitais
– O organismo provincial remitiulle hoxe ó SERGAS unha comunicación oficial reclamándolle o abono, pois xa tiña que telo ingresado no primeiro trimestre do ano, e seguiu sen facelo despois de que Intervención llo solicitase en dúas ocasións, en maio e agosto
– “Esiximos á Xunta que cumpra co convenio que eles mesmos negociaron e firmaron para liquidar a débeda dos hospitais, e pague uns cartos que lle adebeda a tódolos lucenses. Non podemos consentir máis escusas de mal pagador”, subliñou a Deputada de Economía
A Deputada de Economía, Recadación e Facenda, Pilar García Porto, informou de que na mañá deste martes a Deputación de Lugo remitiu ó Servizo Galego de Saúde (SERGAS), dependente da Xunta, unha comunicación oficial requiríndolle o abono dos 3,1 millóns de euros que, “inexplicablemente e sen ningún tipo de xustificación, ten pendente de pagarnos este ano en virtude do convenio de colaboración que temos asinado ambas administracións co obxectivo de liquidar a débeda que contraeu o organismo autonómico co provincial pola xestión dos hospitais de San José e San Rafael”, subliñou a Deputada.
Segundo recolle este acordo, que asinaron en xaneiro de 2011 Deputación e Consellería de Sanidade, o SERGAS está obrigado a ingresar as anualidades establecidas no convenio ó longo do primeiro trimestre do ano correspondente –polo xeral, veuno facendo a finais de marzo ou principios de abril- unha pauta que “inexplicablemente non cumpriu neste 2012, polo que a mediados do pasado mes de maio Intervención da Deputación púxose en contacto co SERGAS para interesarse polos motivos que provocaban o retraso no pago”, explicou García Porto. “Nesa conversación”, relatou a Deputada, “comunicáronlles que a anualidade deste 2012 non sería ingresada hasta que -tal e como recollía o convenio – lles fora presentada a liquidación definitiva da débeda, unha liquidación que calculamos en poucos días e que ascende a 646.809,23 euros a favor da Deputación. Esta cantidade hai que sumala ós 2,5 millóns de euros correspondentes á achega anual ordinaria que debe facernos o SERGAS”. Deste xeito, resultan os máis de 3,1 millón de euros pendentes de ingreso deste ano.
A delegada da área provincial de Economía explicou que as cifras da liquidación correspóndense con conceptos que no momento da firma do novo convenio entre a Deputación e a Consellería de Sanidade para poñer fin á débeda dos hospitais –asinado o 4 de xaneiro de 2011- non estaban cerrados ou se descoñecía a contía exacta, como, por exemplo, o custe das estancias dos doentes dende o ano 2010 ata o traslado; ou as facturas que tivo que pagar a Deputación por ter aberto os centros durante este mesmo período de tempo: gastos de mantemento por servizos de limpeza, calefacción ou alimentación, entre outros.
Con data de 27 de xuño ditouse resolución de Presidencia aprobando dita liquidación e o 5 de xullo foille notificada ó SERGAS polos condutos oficiais. “Dado que non había resposta, Intervención contactou de novo a finais de agosto coa dirección provincial do SERGAS e a resposta foi que tiñan orde de non pagarnos”, sinalou García Porto.
“Preocupación ante o silencio do Goberno galego”
“Vendo que o tempo pasa e nos atopamos con un silencio total por parte do Goberno galego, decidimos enviar hoxe unha comunicación oficial ó SERGAS expoñéndolle a situación e requiríndolle o ingreso, posto que estamos tremendamente preocupados polo retraso no pago e porque a Deputación necesita este diñeiro para continuar facendo investimentos na provincia de Lugo”, argumentou a Deputada, quen subliñou que “son cartos que a Xunta lle adebeda a tódolos lucenses, que o resto de Galicia lle adebeda á provincia de Lugo. Non podemos consentir por máis tempo escusas del mal pagador”.
Este goberno provincial “xa desbloqueou a transferencia ó SERGAS dos hospitais de San José e San Rafael, deixando de ser a única Deputación de España que tiña competencias sanitarias, e agora o único que intentamos é que a Xunta cumpra co seu compromiso, recollido no convenio que eles mesmos negociaron e firmaron o pasado ano, pagándonos de xeito inmediato a anualidade correspondente a este 2012, e as 4 máis que quedan ata o 2016, para poñerlle fin á débeda que teñen pendente coa Deputación”, recalcou a Deputada.
18,1 millóns ata 2016
Segundo recolle o convenio de colaboración asinado por Deputación e Xunta o ano pasado, a débeda contraída polo organismo autonómico co provincial pola xestión dos hospitais de San José e San Rafael quedaría liquidada en 2016 co ingreso das seguintes anualidades: 2,5 millóns de euros en 2011 (xa ingresados); 2,5 millóns, máis a liquidación definitiva (646.809,23 euros) en 2012; 3.756.933,71 euros en 2013, 2014 e 2015; e 3.756.933,73 euros en 2016. Deste xeito, como a Xunta só ingresou a anualidade correspondente a 2011, ten pendente de pago un total de 18.174.784,09 euros ata 2016.
A convocatoria está fixada para as 19.30 horas no salón de sesións da Casa Consistorial. Un dos puntos da orde do día inclúe a proposta para designar as festividades locais de 2027. Tamén se presentarán dous expedientes de recoñecemento extraxudicial de crédito. Ademais, a corporación someterá a aprobación as actas das sesións celebradas os días 8 e 15 de xullo. A orde do día completarase coa parte de control, na que se dará conta das resolucións da Alcaldía e se abrirá a quenda de rogos e preguntas.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
Villares destacou que a Administración autonómica reafirma o seu compromiso con esta cita, adicada a enxalzar a calidade deste produto do mar e a poñer en valor o esforzo dos profesionais do sector. Así mesmo, subliñou a importancia das festas gastronómicas na promoción turística e na dinamización económica da zona.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
