29 de outubro de 2012. ADEGA vén de denunciar perante a Unión Europea (Comisaría de Medio Ambiente) as autorizacións sistemáticas que está a conceder a Dirección Xeral de Conservación da Natureza da Xunta para a captura de aves silvestres canoras. Sen ir máis lonxe, os días 12, 13 e 14 de outubro autorizáronse na Coruña preto de 100 xornadas de captura de aves silvestres (frinxílidos). Estes “eventos” realizáronse sen base técnica ou científica algunha, por canto a Directiva 2009/147/CE, relativa á conservación das aves silvestres, considera “excepcionais” estas prácticas e establece condicións moi estritas para o seu desenvolvemento, mentres a Xunta autorízaas sistemáticamente. Asemade, detrás destas actividades agóchase tamén un comercio clandestino de aves para o silvestrismo, trafego do que a administración estaría sendo cómplice.
gaiolaspaxarosEntre as especies afectadas atópanse verderolos, xiríns, pimpíns, canarios, liñaceiros ou cardeais, que chegado o final do verán agrúpanse en grandes bandos para iniciar os seus desprazamentos migratorios. Estímase que a Xunta autoriza anualmente unhas 300 xornadas efectivas de captura, nas que poden caer unhas 5.000 aves, que na práctica totalidade dos casos rematan engaioladas para cría, exposición e concursos, e dos que unha importante proporción de individuos morren aos poucos días polo estrés.
ADEGA denuncia a grave irresponsabilidade na que incorre Conservación da Natureza (outra máis, 2, 3…), a administración encargada precisamente de velar pola conservación destas especies. O cadro técnico e o gabinete xurídico deste departamento son coñecedores de que estas autorizacións teñen un fundamento legal moi feble, forzando a interpretación de varios artigos da Directiva 2009/147/CE, relativa á conservación das aves silvestres, e do artigo 58 da Lei 42/2007, do Patrimonio Natural e da Biodiversidade.
ADEGA lembra á Xunta que o Tribunal Europeo de Xustiza das Comunidades Europeas (TXCE) advertiu á Comisión Europea que ditas prácticas de capturas que teñen lugar nalgúns Estados europeos (entre eles España) e vulneran o artigo 9 da norma da conservación das aves silvestres, e que a propia Comisión mantén aberto un expediente contra o Reino de España (EU PILOT 2235/11/ENVI) pola práctica da caza de frinxílidos con redes abatíbeis.
Así a Directiva 2009/147/CE establece un réxime de capturas especiais en base a “excepcións” baseadas nunha necesidade científica xustificada, segundo o disposto nos artigos 1, 5 e 9. Deste xeito as autorizacións que outorga a Xunta baixo un suposto “carácter especial” só poderían realizarse baixo unhas condicións moi particulares e definidas pola xurisprudencia do TXCE como exclusivamente para fins científicas ou demostrando previamente un efecto pernicioso e danos aos cultivos. No caso das autorizacións da Xunta para capturar aves canoras, non acontece ningunha desas dúas excepcións. Ademais, e segundo a normativa, a Xunta só debería autorizar ditas capturas tendo deseñado e aprobado previamente protocolos sobre os métodos de captura, as especies permitidas, as xustificacións técnicas, a delimitación das localizacións e o rexistro de persoas habilitadas para a súa cría en catividade, condicións ausentes ou cando menos descoñecidas para a cidadanía e os grupos ecoloxistas.
ADEGA quere lembrar que a práctica do silvestrismo pode hoxe manterse mediante a cría en catividade dos exemplares legalizados que proporcionan o stock xenético suficiente para fomentar a cría, comercio e intercambio regrado destas especies, único xeito de manter esta actividade respectando a legalidade vixente.
ADEGA denuncia tamén que arredor deste tipo de prácticas, xustificadas para o mantemento de eventos de canaricultura ou silvestrismo e que ten o seu máximo expoñente nos concursos de cantos de aves, agóchase un trafego ilegal de especies silvestres, un ilícito penal que está en claro auxe debido á venda por internet.
A nosa entidade emprenderá as pertinentes accións comezando pola presentación dunha denuncia perante a Comisión Europea para desterrar definitivamente estas prácticas ilegais e lesivas para a nosa biodiversidade, agardando que investigue e no seu caso recrimine o proceder da Xunta, que unha vez máis revélase como a principal agresora da biodiversidade galega e neste caso tamén, fomentadora do maltrato das especies silvestres.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
