Cervo presenta o Outono Cultural que inclúe unhas 15 actividades ao longo de outubro e novembro
-Haberá eventos e actos relacionados co Samaín e as castañas, tan tradicionais desta época
-As novidades tamén terán o seu oco no programa
Cervo, 9 de outubro 2012-As delegacións de Cultura, Educación, Igualdade e Servizos Sociais deron a coñecer hoxe o seu programa de actividades para os meses de outubro e novembro. Trátase do Outono Cultural, un conxunto de eventos para público infantil e adulto, centrado en boa parte nas festas e nos produtos típicos desta época do ano, como o Samaín e as castañas. Pero tamén está previsto estrear actividades innovadoras como concursos gastronómicos e talleres de teatro.
Teatro
O programa comeza o día 20 deste mes cun obradoiro de teatro infantil onde os nenos e nenas de ata 12 anos aprenderán as artes da escena e ensaiarán unha peza de teatro. Unha actividade que se desenvolverá todos os sábados dos meses de outubro e novembro, e para participar é necesario apuntarse. Os impresos de inscrición atópanse nos colexios de Cervo e San Ciprián e poderán presentarse ata o 15 de outubro. Unha vez rematado o período de inscrición, o Concello convocará unha reunión cos pais e nais para informalos de todos os detalles.
A obra que prepararán os cativos e cativas ao longo deste obradoiro será representada o día 24 de novembro na Casa da Cultura de San Ciprián nun acto aberto ao público. Polo tanto, ademais de aprender as técnicas teatrais, a cativada experimentará os nervios de subir ao escenario e amosar todo o aprendido.
Os adultos tamén terán a oportunidade de presenciar un espectáculo teatral pensado para eles. Neste caso Metátase Teatro representará a obra Bolboretas, o 10 de novembro, ás 19:00 horas na Casa da Cultura.
Cabe destacar ademais a celebración do primeiro Land Rover Cervo, a recreación do programa humorístico da TVG o vindeiro día 11 de novembro, ás 18:00 horas. Unha actividade que mantén a liña de reproducir espazos televisivos de entretemento dándolles un toque local, tal e como se fixera hai unhas semanas en San Ciprián co Un, dous, tres…responda outra vez, pero nesta ocasión na capital cervense.
Igualdade e Servizos Sociais
A delegación de Igualdade e Servizos Sociais fai varias achegas a este Outono Cultural. Unha delas é unha novidade no municipio cervense e ponse en marcha por primeira vez. Chámase “Aprendemos os uns dos outros” e son as I Xornadas de Igualdade do Concello, nas que homes e mulleres aprenderán a colaborar nas tarefas cotiás e do fogar. Esta actividade desenvólvese entre o 22 e o 31 de outubro. Ademais, o 25 de novembro terá lugar un acto de conmemoración do Día Internacional contra a Violencia ás Mulleres.
As participantes nos cursos de memoria do Concello serán as protagonistas da actividade programa para o 23 de novembro titulada “Recordando contos de onte”. Elas serán as encargadas de rescatar da memoria colectiva lendas e historias tradicionais pero tamén de transmitir experiencias propias de tempos pasados. Ese mesmo día Airiños do Xunco ofrecerá unha actuación musical.
A esencia do outono
O mes de novembro comezará coa celebración do Samaín no PAI de San Ciprián, o día 2 na Casa do Mar. Ao día seguinte esta festa tradicional estenderase a todo o público infantil a partir das 18:00 horas no mesmo lugar.
As castañas tamén terán o seu protagonismo como froito por excelencia do outono. O día 17 de novembro arrincará con gastronomía, cando terá lugar o primeiro concurso “Larpeirada de ourizo de outono”, no que as persoas participantes poderán competir preparando sobremesas e outros doces que inclúan a castaña como produto básico.
Esa mesma xornada farase entrega dos premios de debuxo infantil “A Castaña”, un concurso para nenos e nenas de ata 12 anos que se convocará con tempo de antelación para que os participantes poidan levar as ilustracións elaboradas por eles e que terán que ter como temática central este froito. Para pechar o día celebrarase un magosto. O PAI tamén organizará o seu propio magosto o día 23 de novembro.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
