MACHISMO RUÍN
Un cargo ministerial afirma que as leis son como as mulleres porque están para violalas. Un ex concelleiro colga un vídeo no seu blog que incita a matar as mulleres. Un tribunal non ve acoso sexual dun farmacéutico a dúas dependentas ás que bicaba e tocaba en contra da súa vontade (da vontade delas, non do boticario, enténdese).
Estas tres noticias acaecidas hai poucos días poden facer crer que un vive en Afganistán, en Paquistán ou en Arabia Saudita, onde o desprezo ás mulleres é total. Pero non, son noticias producidas nun país occidental, democrático e do primeiro mundo como España, aínda que hai quen dubide diso.
Estamos cansados (fartos máis ben) de ler noticias deste tipo, aínda que habitualmente referidas a países orientais, totalitarios e ditatoriais onde non se respecta apenas a vida humana, e menos aínda a feminina, á que encadran na parte máis baixa da táboa de estatísticas. Para eles as mulleres son uns números, case sempre molestos, que non teñen ningún dereito.
Con todo, non criamos que esa onda integrista e reaccionaria fose tan común no noso arredor . Equivocabámonos. O ex concelleiro que incitaba a matar mulleres desde a súa blog é de Baleares. O tribunal que non ve acoso sexual do farmacéutico que bicaba e daba palmadas no cu ás súas subordinadas é de Madrid. E o cargo da Administración do Estado ao que lle parece igual de normal que se violen as leis que ás mulleres, ás que cousifica dobremente, é galego e pertencía (xa cesou, afortunadamente) ao Ministerio de Emprego, curiosamente presidido por unha muller.
Non sei se nos estamos volvendo tolos ou é que levamos o ADN machista no sangue, pero ningunha destas tres noticias son xustificables, nin tan sequera en Teherán.
O tribunal de Madrid non aprecia acoso sexual no boticario, senón sentimental, o que non sei que é peor. En primeira instancia o home foi condenado a tres meses e dous días de prisión e a indemnizalas con algo máis de 11.200 euros. Pero a Audiencia Provincial de Madrid desestimou a condena e absolveu ao farmacéutico ao entender que non houbo acoso senón, en todo caso, abusos. O delito é máis grave, pero como non estaba acusado por iso non se lle puido condenar.
Despois queixámonos de que descerebrados maten as súas compañeiras con a única xustificación de: “La mate porque era mía”, cando simplemente o que fan e mirar para arriba e tomar exemplo de políticos, concelleiros, farmacéuticos e xuíces…..
Quen fai a lei fai a trampa. Acúsase con frecuencia aos políticos de vivir fóra da realidade, pero hai xuíces aos que tamén hai que dar para comer con toga aparte.
Otero Regal
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
O espectáculo participativo A verbena de antes -con O Xeito e Airiños da Freba-, ao mediodía, e unha mostra etnográfica e as actuacións de Amado Lar e A Volta do Agro, pola tarde, protagonizaron o último día das Xornadas, pensadas como un punto de encontro da cultural tradicional galega,e especialmente da comarca da Mariña.
