Unhas 30 persoas participan nos cursos de memoria que se desenvolven en catro núcleos de Cervo
-Nesta ocasión, ademais dos lugares nos que xa se viñan impartindo, como son Cervo, San Ciprián e Trasbar, tamén hai clases no local social de Rúa
Cervo, 27 de outubro de 2012-Este mes de outubro comezaron en Cervo os cursos de memoria que organiza a Concellería de Servizos Sociais. Un total de 30 persoas, a maior parte delas mulleres, están inscritas nestas clases que se imparten en catro núcleos do municipio: Cervo (Ecomuseo), San Ciprián (Casa da Cultura), Trasbar (local social) e Rúa (local social).
Como novidade cabe destacar que nesta ocasión as clases tamén se impartan en Rúa, onde durante o curso pasado non houbera demanda, mentres nos outros tres núcleos xa se viñan desenvolvendo con anterioridade. De feito, o Concello abrira a inscrición a todas as parroquias co obxectivo de achegar a actividade a todos os recunchos de Cervo e que ningún alumno ou alumna quedara sen a posibilidade de asistir.
En canto ao alumnado, a maior parte deles repiten con respecto ao curso pasado, interesados en volver a atoparse cos compañeiros, en exercitar as súas capacidades cognitivas e pasar un anaco entretidos compartindo o seu tempo con outras persoas. Os cursos de memoria son unha actividade consolidada, que se vén desenvolvendo nos últimos anos dirixidos a persoas de 50 anos en diante.
Durante as clases, os participantes realizan exercicios prácticos para manter espertar e activa a súa mente como forma de prever a perda de memoria, combinando as actividades relacionadas coa lingua e a ortografía, as matemáticas ou os animais cos pasatempos. A dinámica é moi participativa xa que a profesora propón uns exercicios que o alumnado completa para despois corrixilos en grupo.
O alcalde de Cervo, Alfonso Villares, e a edil de Servizos Sociais, Pilar Armada, estiveron onte pola tarde nunha das clases, en concreto a que se imparte no local social de Trasbar, onde as participantes “transmitíronnos a súa alegría por volver a acudir a este curso de memoria, que lles resulta moi útil para estimular a súa mente e ao que acoden con moitas ganas para volver a atoparse coas compañeiras e compartir unhas horas xuntas”.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
