O EQUIPO DE GOBERNO CONSIDERA UNHA IRRESPONSABILIDADE QUE A OPOSICIÓN ESTEA EN CONTRA DA ACTUALIZACIÓN DAS ORDENANZAS FISCAIS PORQUE “OS SERVIZOS TEÑEN QUE AUTOFINANCIARSE”.
Burela, 27 de outubro de 2012. O equipo de goberno considera unha irresponsabilidade que a oposición estea en contra da actualización das ordenanzas fiscais porque “os servizos teñen que autofinanciarse”.
Os populares lembran que “xa votaron en contra da maioría das ordenanzas na comisión informativa. É un exercicio de irresponsabilidade, porque hai un principio fundamental, que é que os servizos que se prestan teñen que autofinanciarse. Non é lóxico que teñamos contratos con empresas de servizos que nos soben automaticamente o IPC e que ese incremento o asuma o Concello, porque estaríano asumindo o conxunto dos cidadáns. O lóxico é que cada un asuma o que lle corresponde en función do gasto que fai, por exemplo no abastecemento de auga”.
Insisten desde o Grupo Municipal do PP en que “a actualización do IPC non nos gusta nos momentos actuais porque os soldos non están medrando, pero tampouco medraban no ano 2008 e resulta que o bipartito actualizou as ordenanzas do ano 2009 nun 4,5 por cento e nós fomos consecuentes con iso e abstivémonos, porque nós presentáramos emendas para facer diferenciacións entre as distintas ordenanzas. Pero non votamos en contra, porque entendemos que o Concello ten que xerar ingresos”. Aos populares non lles parece lóxico que “o PSOE e o Grupo Mixto adopten esta postura de dicir que non se poden subir impostos agora, cando resulta que eles nas campañas electorais das xerais e das autonómicas promulgaron unha suba de impostos. Porque ademais son uns auténticos depredadores económicos”. Lembran desde o equipo de goberno de Burela que “outros concellos onde gobernan van actualizar as ordenanzas en función do IPC, como por exemplo en Viveiro”.
No equipo de goberno indican que “cando se procedeu á última baixada dos soldos dos empregados públicos no ano 2010, sendo presidente Rodríguez Zapatero, o bipartito burelés actualizou as taxas aplicando o IPC. Ademais eles subiron os vados un 10%, a ocupación da vía pública incrementárona nun 50%, destinaron 1.000.000 de euros á compra dunhas farolas que non producen ningún tipo de aforro enerxético e foron eles tamén os que provocaron que houbese que pedir un crédito para abonar as facturas pendentes de pago. Esta xente non está moi lexitimada para dar leccións de nada a ninguén”.
Desde o Grupo Municipal do PP insisten en que “si queren que o Concello se colapse e deixe de prestar servizos que o digan. Pero nós vímonos obrigados a facer un plan de axuste derivado da dilapidación absoluta que se fixo durante os 4 anos do bipartito, cun descontrol total que nos levou a ter que recoñecer facturas sen pagar durante a época do bipartito por importe de 1.100.000 euros e o crédito por esa cantidade temos que pagalo entre todos os cidadáns”. Os populares piden que “que expliquen eles qué medidas adoptarían para solucionar este problema, pero que non entren en cuestións demagóxicas. Deben explicar as medidas que adoptarían, porque mentres estiveron no equipo de goberno non fixeron nada e agora piden que nós fagamos o que eles non foron capaces de facer. Qué expliquen entón porque non o fixeron eles”.
Desde o equipo de goberno do Concello de Burela dinlles aos cidadáns que “nestes momentos todos temos que arrimar o ombro, absolutamente todos, e que se non houbera que pagar a partires de agora 210.000 euros ao ano durante 8 anos por ese crédito de 1.100.000 euros derivado da nefasta xestión do bipartito probablemente algunhas ordenanzas non se actualizarían. Pero eles no seu momento por exemplo subiron os vados de forma espectacular, multiplicando case por dous o seu importe”.
Os populares tamén aludiron á paga extra de Nadal dos funcionarios e subliñan que “a paga que non percibirán destínase por lei ao fondo de pensións ou ao plan de xubilacións. O que é dos traballadores segue a ser deles. Os señores do PSOE non se enteran de nada, son uns ignorantes”.
Rematan desde o equipo de goberno lembrando que “o Concello destinou nestes últimos meses 170.000 euros á formación de desempregados, iso quere dicir que nos preocupamos polo emprego. Falan da gardería e parece que descoñecen que hai un convenio asinado entre o Ministerio e a Xunta para a súa construción, e tamén aluden ao centro de día, ese que non foron capaces de abrir en catro anos e que nós en pouco máis de 12 meses puxemos a andar. Nós estamos a facer todo o que o bipartito non fixo e arranxando todas as débedas que deixaron pendentes. As súas declaracións, polo tanto, son irresponsables e hipócritas”.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
