ERMIDA CHAMA A EMITIR UN VOTO A FAVOR DO BNG POR CADA UNHA DAS MENTIRAS E INCUMPRIMENTOS DO PARTIDO POPULAR NA COMARCA DA MARIÑA
“Feijóo só sabe controlar o déficit pola vía do desmantelamento e privatización dos servizos públicos”
O BNG pregunta aos candidatos do Partido Popular polo Plan de Acompañamento prometido pola Xunta para frear o desemprego na Mariña
Mondoñedo, 18 de outubro de 2012. Os nacionalistas da comarca da Mariña aproveitan o penúltimo día de campaña cara o 21 – O para reivindicar a necesidade de pór en marcha “verdadeiras medidas de austeridade” e denunciar o “falso discurso” do Partido Popular que, segundo explica a candidata número tres do Bloque Nacionalista Galego ao Parlamento de Galiza pola provincia de Lugo, Ana Ermida, “confunde a austeridade cos recortes”.
“A austeridade no sector público –precisa a candidata- está a ser empregada polo Partido Popular como pretexto para acometer recortes en dependencia, educación e sanidade, rematar coas conquistas sociais acadadas nas últimas décadas e incrementar o número de parados. O Goberno de Núñez Feijóo só sabe controlar o déficit pola vía do desmantelamento e privatización dos servizos públicos; en toda a lexislatura non foi capaz de, por exemplo, pór sobre a mesa unha reforma cara unha administración racional e adaptada ás necesidades do país. Unha vez máis, o Partido Popular volve presentarse aos comicios cun dobre discurso, declárase abandeirado dunha austeridade que logo non é capaz nin de cumprir nos seus propios actos de campaña electoral, caracterizados polas comidas para centos de persoas e autobuses para carrexalas aos mitins, como están a facer hoxe na Mariña. Os populares primeiro invitan a centos de persoas a xantar e logo as levan en autobuses ao acto que o partido ten en Lugo”.
Dende o Bloque Nacionalista Galego denuncian que as consecuencias dese dobre discurso tamén se deixan sentir no incremento das listas do paro. Neste eido, Ana Ermida pide aos candidatos populares que expliquen onde quedaron as promesas da Xunta sobre a aprobación dun Plan de Acompañamento co que frear o aumento do paro en Mondoñedo tras coñecerse os expedientes de regulación de emprego de Móbeis Hermida e Ecar. “Para o Partido Popular as promesas de crear emprego son como as da ampliación do Hospital da Costa, compromisos que se repiten unha e outra vez durante as campañas electorais e durante toda a lexislatura pero que nunca se concretan e moito menos se levan a cabo”.
Ermida chama a emitir un voto a favor do BNG por cada unha das promesas que os populares incumpriron e por cada unha das súas mentiras. “Votar ao BNG é o único xeito de rematar co dobre discurso, coa falsa austeridade, coas falsas promesas e coas mentiras do Partido Popular. O vindeiro domingo as galegas e os galegos teñen a oportunidade de elixir un futuro para Galiza no que eles, o seu benestar e os seus dereitos sexan o eixo da acción dun goberno de progreso, algo imposíbel se Feijóo volve ser presidente”.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
