O BURELA FS IMPONSE SOBRE O AZKAR NO TRIANGULAR DE CASTROPOL
Esta fin de semana, o Burela FS Pescados Rubén impúxose sobre o Azkar Lugo e CD Marino das Figueiras e proclamouse campión do Torneo Triangular de Castropol. Tras o emocionante empate cos transportistas (2-2), o título decantouse do lado laranxa pola maior diferenza de goles na vitoria ante o conxunto anfitrión, con 0-2 para os da cidade amurallada, no primeiro partido, e 0-4 para os mariñáns, no segundo.
Na primeira loita burelista, ante o CD Marino das Figueiras, o Pescados Rubén demostrou temperanza e sosego para non arriscar o dominio do partido. “Amosamos moi boa actitude dende o comezo” asegurou Julio Delgado, con respecto á cita ante o conxunto de Provincial, na que as novas caras laranxas tiveron protatonismo goleador: Diego Suárez inaugurou o electrónico, no minuto 10, e tras o 0-2 de Mimi (14), Cesinha anotou por partida dobre (15 e 17).
Iago Barro, Mimi, André, Diego e Dani Martín saltaron á cancha no cinco inicial, coa axuda de Enrique, Cesinha e o porteiro xuvenil Marcos. Do bando asturiano, José Luis, César, David Legaspi, David Álvarez e Víctor formaron o quinteto inicial; tamén xogaron Sergio, Lucas, Julián, Jaime, Luis Alberto, Daniel e José.
O triangular de Barres puxo o broche de ouro co duelo entre transportistas e laranxas. “Foi un partido moi bonito, con moita intensidade dende o primeiro minuto” destacou Julio Delgado, que tamén confesou a súa satisfacción polo “dominio burelista en gran parte do partido e seguimos xerando moitas ocacións de gol”. O Burela FS, que tivo que facer un grande esforzo con tan só dous cambios, adiantouse no marcador con goles de Mimi (minuto 16) e Dani Martín (17), aínda que o Azkar soubo aproveitar os erros mariñáns e igualou a contenda no tramo final, “goles que chegaron en fallos individuais, cando tiñamos o control” explicou o adestrador burelista.
Julio Delgado amosouse tamén gratamente sorprendido coa primeira participación de Cesinha e Diego. “César acoplouse moi ben e, como referencia en ataque, deu moita saída ao equipo; é un xogador intelixente” analizou o técnico laranxa o ala-pivote brasileiro, que tamén destacou “o descaro” de Diego Suárez. “É un deportista aínda por facer, pero, sen dúbida, soubo estar á altura” dixo Julio do novísimo ala que estes días está adestrando co equipo burelista.
Ficha técnica
Azkar Lugo: César, Jandri, Aramburu, José e Bruninho, non cinco inicial; tamén xogaron Diego Nuñez, Antonio Diz, Iago Rodríguez, Adrián, Álex Diz
Burela FS Pescados Rubén: Iago Barro, Mimi, André, Diego e Dani Martín, no cinco inicial; tamén xogaron Enrique, Cesinha e Marcos.
Goles: 0-1, minuto 16, Mimi; 0-2, minuto 17, Dani Martín; 1-2, minuto 18, Jandri; 2-2, minuto 20, Bruninho
Test copeiro
O Burela FS Pescados Rubén continuará a preparación de Primeira coa Copa Galicia como próximo test. O mércores decidirá a fase de cuartos de final na pista do Noia FS, da Segunda División B, a partir das 20.45 horas. “É unha nova proba para asentar a dinámica de actitude e intensidade demostrada en Castropol” dixo Julio Delgado, que tamén advertiu que “aínda que non recuperaremos efectivos, poderemos contar con algunha rotación máis de xogadores do filial”.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
As fotografías empregadas serán de uso interno e non se publicarán nin compartirán en redes sociais nin en internet. A actividade está aberta tamén a nenos e nenas doutros concellos.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
A programación do último trimestre inclúe Maiores con Arte, Moito máis que café, Entre risas e animación domiciliaria. Tras os obradoiros iniciados en maio, o Concello mantén o contacto cos participantes e leva as propostas ás asociacións para facilitar novas incorporacións. Na presentación explicaranse as formas de participación e os servizos dispoñibles. O programa conta co apoio da Consellería de Dereitos Sociais e Benestar do Principado de Asturias.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
