AS CONCELLARÍAS DE CULTURA, IGUALDADE E MOCIDADE POÑEN EN MARCHA O PROGRAMA RIBADEO UNHA VILA PARA A CONCILIACIÓN, QUE SE DESENVOLVERÁ TODOS OS VENRES E SÁBADOS DO MES DE NOVEMBRO. TRÁTASE DE ANIMAR Á LECTURA AOS MÁIS PEQUENOS NA BIBLIOTECA MUNICIPAL.
Ribadeo, 30 de outubro de 2012. As Concellarías de Cultura, Igualdade e Mocidade poñen en marcha o programa Ribadeo unha vila para a conciliación, que se desenvolverá todos os venres e os sábados pola tarde do mes de novembro.
A edil de Igualdade e Cultura, Mariluz Álvarez Lastra, sinalou que “desde o Centro de Información á Muller, desde as áreas de Xuventude e de Cultura do Concello de Ribadeo iniciamos un novo programa de animación á lectura para traballar dunha maneira dinámica e activa cos contos na nosa biblioteca municipal”
A concelleira nacionalista explicou que “para aqueles nenos e nenas que queiran asistir comeza este venres, día 2 de novembro, e rematará o 24 de novembro, sábado. Hai un programa que será os venres 2, 9, 16 e 23 de novembro, onde os máis pequenos, os nenos de 3 a 6 anos, na biblioteca a partires das cinco e media da tarde van traballar cunha serie de contos, neste caso a través dunha personaxe que é unha toupiña na primavera, no verán, no outono e no inverno. É unha forma dinámica e activa de achegarnos á lectura, á literatura infantil, e de pasar un rato divertido nesta media hora activa”. Esta parte do programa recibe o nome de A contar e cantar con Patas de Peixe.
Álvarez Lastra indicou que “para os nenos maiores de 6 anos, na biblioteca tamén pero os sábados de cinco e media a seis da tarde, imos facer os días 3, 10, 17 e 24 de novembro outras tardes de animación á lectura noutro tramo de idade e por suposto con outro tipo de contos diferentes, neste caso imos traballar con A vaca que puxo un ovo, Na busca dun fogar, O incrible neno devorador de libros e Coidado, extraterrestres”.
A concelleira de Igualdade e Cultura dixo que “se trata dunha maneira de achegar aos nenos e as nenas á nosa biblioteca municipal, por unha banda, de ter un tempo de lecer e de achegamento aos libros dunha maneira activa a través do xogo e de contacontos e, sobre todo tamén, para ter un rato onde os cativos e os seus pais gocen desta actividade”.
É unha actividade gratuíta e totalmente aberta. Está publicitada na páxina web do Concello, das diferentes áreas, así como nun programa impreso co que poden facerse tanto na biblioteca municipal como nas outras instalacións administrativas do Concello para poder seguir o calendario.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xoves dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
