VENCEREDES PERO NON CONVENCEREDES
É admirable a técnica comunicativa do Partido Popular en A Mariña; é envexable o seu estilazo na emisión de mensaxes únicas, piramidais, que se expanden en vertical e horizontal, calando en todos os escalafóns. Ninguén se descadra do formateado guión, salvo algún que outro alcalde que coa súa saída de ton cumpre un papel falsamente rupturista, contrapunto programado nunha melodía monocorde dirixido a unha parte do auditorio. É eloxiable a súa unidade idiomática e xestual, o seu ton de voz sen estridencias; hieráticos, sen apenas mover os beizos, ventrílocuos en rolda de prensa e comunicado de prensa, a anos luz da dispersión e a multiplicidade de voces, gaiolas de grilos, muíños de mans e brazos, doutros partidos que por aquí pululan.
Esta aparente coherencia estratéxica, que se traduce de continuo na multiplicación sedativa do mantra que toca en cada momento, dificulta o desentrañamento das súas mensaxes. O seu univocidade serve de case-perfecto disfrace da incoherencia da súa praxe cotiá; entre o que din e o que fan; entre o que propón e o que realmente defenden; entre o seu ideario e o lado onde logo se sitúan con cariña compasiva e anxelical; no inferno pero tamén no ceo; pirómanos e bombeiros dunha realidade negra, da que son ideólogos e autores preferentes.
Pero entre o seu discurso e a súa praxe chirrían os soldos máis extras que perciben Deputados, alcaldes e concelleiros liberados da bisbarra, ou o incremento das subvencións millonarias a os amigos e coñecidos que en moitas ocasións son simples e correntes latrocinios encubertos, mentres en Santiago recortan en comedores escolares, os servizos hospitalarios e farmacéuticos e soben os impostor a os veciños e non súbditos dos concellos mariñáns.
Fanse festas para avós, xubilados e o que sexa para de paso entregarlles a papeleta do voto da gaivota sin contar con as “comiolas” dos políticos para festexar que catro anos máis seguiran mamando do teto e mentindo coas consabidas afirmacións mentireiras de “Ampliaremos o hospital de Burela”, Teremos porto comercial en Moras” Faremos a via rapida dende Castelo a Ferrol”, Faremos a T da Costa” Faremos residencias da terceira idade a montóns” “Faremos que os barcos pesquen merluza para que este peixe con a súa abundancia non coma os veraneantes nas praias” Alcoa terá a luz a peseta o quilovatio” e un largo e penoso etc que da vergoña allea que sirva para convencer a alguén.
Otero Regal
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
