A UNIDADE ASISTENCIAL DE DROGODEPENDENCIAS DO CONCELLO OFRECERÁ INFORMACIÓN SOBRE A SIDA O VINDEIRO VENRES, 30 DE NOVEMBRO, NAS DÚAS MESAS QUE SE INSTALARÁN Á ENTRADA DO CENTRO DE SAÚDE E DO HOSPITAL DA COSTA.
Burela, 28 de novembro de 2012. Previr a sida día a día é o eslogan da campaña de prevención que un ano máis pon en marcha a Unidade Asistencial de Drogodependencias do Concello de Burela para conmemorar o día mundial da sida que se celebra o vindeiro 1 de decembro.
A concelleira de Servizos Sociais, Diana Durán, sinala que “para conmemorar esta data, e que a poboación siga a ser consciente dos riscos que entraña esta enfermidade e da vías de prevención da mesma, persoal da UAD de Burela estará en dúas mesas informativas o vindeiro venres, 30 de novembro”. Éstas estarán situadas á entrada do centro de saúde de Burela e do Hospital da Costa. Será en horario de 10 da mañá a dúas da tarde.
O mesmo venres entregaránse os premios aos gañadores do XI Certame de Carteis, “que este ano se retomou, coma unha nova campaña de coñecemento da enfermidade e concienciación entre a xente máis nova. Os carteis gañadores poden verse por toda a localidade”, explicou a edil popular.
A entrega dos premios terá lugar ás 10:30 da mañá. O acto desenvolveráse nas inmediacións da mesa instalada a carón do centro de saúde e estará presidido polo alcalde de Burela, José Mª González Barcia, por Diana Durán e por un membro de ACIA Burela. Os premios, outorgados polo Concello, consisten en dous vales de 50 euros cada un para poder mercar en calquera establecemento adherido á Asociación de Comerciantes burelesa. As categorías que se estableceron no certame de carteis foron dúas: de 12 a 15 anos e de 16 a 20 anos. O Concello publica tamén os traballos presentados.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
