AUTONÓMICA RECIBE DOBRE COMPROMISO CO COLEGIO LICEO
A base laranxa encara este sábado dobre compromiso co Colegio Liceo. Tras o derbi mariñán de Terceira, entre o Burela FS B e o Superti, Vista Alegre acollerá dous grandes duelos en Autonómica Cadete (18.00 horas) e Infantil (19.30) coa visita dos coruñeses, moi próximos nas táboas.
Deporte Escolar concentrará as xornadas burelistas o sábado, o Cadete A visitará o Cidade de Viveiro e o B saltará á pista do Lourenzá Mondoñedo; o Alevín B tamén xogará en terras laurentinas e o A recibirá o Alfoz. O Monte Castelo albergará o encontro benxamín co Praia de Covas.
As ligas Nacional Xuvenil e Prebenxamín da Mariña protagonizarán as últimas citas oficiais da fin de semana. Os pupilos de Lucas defenderán a segunda praza, a tan só un puntiño do liderado do Azkar Lugo, en Vilalba; será o domingo, a partir das 12.30. Á mesma hora, os máis pequenos visitarán o AD Santiago de Foz.
Liga Nacional Xuvenil
Valdesuso Vilalba FS-Burela FS
Domingo 2 de decembro, ás 12.30 horas, no pavillón municipal de Vilalba
Liga Autonómica Cadete
Burela FS-Colegio Liceo
Sábado 1 de decembro, ás 18.00 horas, no pavillón Vista Alegre de Burela
Liga Autonómica Infantil
Burela FS-Colegio Liceo
Sábado 1 de decembro, ás 19.30 horas, no pavillón Vista Alegre de Burela
Deporte Escolar
FS Cidade de Viveiro Cadete-Burela FS Cadete A
Sábado 1 de decembro, ás 13.00 horas, no pavillón dos Institutos de Viveiro
Lourenzá Mondoñedo Cadete-Burela FS Cadete B
Sábado 1 de decembro, ás 9.30 horas, no pavillón de Lourenzá
ED EON Burela FS Alevín A-Alfoz Alevín
Sábado 1 de decembro, ás 12.00 horas, no pavillón Vista Alegre de Burela
ED Lourenzá Alevín-ED EON Burela FS Alevín B
Sábado 1 de decembro, ás 11.00 horas, no pavillón de Lourenzá
ED EON Burela FS Benxamín-Praia de Covas Benxamín
Sábado 1 de decembro, ás 16.00 horas, no pavillón Monte Castelo de Burela
Liga Prebenxamín da Mariña
AD Santiago de Foz-ED EON Burela FS
Domingo 2 de decembro, ás 12.30 horas, no pavillón do Cantel de Foz
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
