O BNG DE FOZ RECLÁMALLE Á XUNTA NOVAMENTE A CONSTRUCIÓN DA RESIDENCIA E DO CENTRO DE DÍA DE FOZ
Foz a 28 de novembro de 2012.-O BNG de Foz presentou unha moción neste pleno para reclamar por enésima vez á Xunta de Galiza a construción da Residencia e do Centro de Día de Foz, que sexa de xestión pública e que teña suficiente capacidade.
Como a opinión pública coñece, desde o ano 2008 os terreos para a construción dunha Residencia de Terceira Idade e dun Centro de Día están a disposición da Xunta de Galiza. Mesmo o ano pasado, o ano 2011, a Corporación Municipal en pleno e por unanimidade demandou que esta obra estivera rematada no horizonte do 2014, solicitando unha partida nos orzamentos do exercicio 2012 para que iso fora posible.
A Xunta de Galiza, gobernada polo PP, en toda a anterior lexislatura non fixo máis que demorar a posta en marcha da Residencia e do Centro de Día a pesar de ser unha evidencia a súa necesidade. Primeiro, tardando un ano en elaborar un “estudo de viabilidade” (de dous folios) que non se lle esixiu a ningunha outra localidade da Mariña sendo ao día de hoxe o único concello que non conta con Centro de Día nin con unha Residencia de carácter público e suficiente para cubrir as nosas necesidades. Incluso poboacións da comarca da Mariña con menos peso poboacional contan actualmente con Centro de Día e/ou Residencia. A continuación, tardouse outro ano en elaborar un Anteproxecto urbanístico que se presentou nos medios de comunicación o pasado día 20 de outubro (por certo, ao día de hoxe aínda non se lle presentou aos grupos da corporación).
Para o BNG as prazas para o que deseñou o anteproxecto serían insuficientes porque o Concello de Foz é o segundo en número de poboación da Mariña. O edificio proxectouse só para 40 prazas na Residencia e 40 prazas no Centro de Día cando inicialmente sempre se falou de alomenos 120 prazas, entre Residencia e Centro de Día. No Concello de Foz estaban censados máis 2.300 maiores de 64 anos no ano 2011. Esta cifra supón case o número total de habitantes de poboacións que contan xa cun Centro de Día para 30 usuarios como Vilanova de Lourenzá ou máis da metade da poboación de localidades nas que a Xunta do PP vai abrir residencias con centro de día para 78 persoas como o caso de Cervo. Por este motivo, o BNG insta á Xunta de Galiza que a capacidade da Residencia de Terceira Idade de Foz sexa de 80 prazas e dotada dun Centro de Día para 50 prazas. En todo caso, que entre ambas infraestructuras as prazas non sexan inferiores a 120.
Na mesma nova anterior afirmábase que o Centro Residencial de Día estaría operativo no ano 2015 e que sería xestionado por unha empresa privada. Por un lado, o BNG insta ao Goberno Galego da Xunta de Galiza a incluír unha partida nos Orzamentos autonómicos do 2013 para que se garanta o inicio das obras nesa anualidade e o seu remate no ano 2015, segundo as previsións do PP e do propio alcalde. Por outro lado, o BNG de Foz non está de acordo con que a xestión sexa privada e por iso insta á Xunta de Galiza para que a xestión do Centro Residencial de Día previsto sexa totalmente pública porque é a única que garante a universalidade e a igualdade á hora de acceder aos servizos asistenciais e unha maior calidade nos mesmos.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
