CD Mosteiro-Bembrive FS 4-0 Ribadeo FS
O Ribadeo non puido recoller a primeira vitoria da tempada que tanto se lle resiste, no seu desprazamento a Vigo para medirse ao Mosteiro-Bembrive, descendido de Segunda; regresou cun marcador adverso de 4-0.
As de Martínez foron sentenciadas á contra e regresaron sen carga cun resultado que non xustifica o traballo realizado. Ana, no minuto 16.30, desaproveitou a mellor ocasión do partido para adiantar o seu equipo e a contra das locais supuxo o 1-0 por mediación de Andrea, cando mellor o estaban facendo as da Mariña. Tras o saque de centro, a porteira Verónica non atinou para liberar co pé un balón cedido, deixándoo aos pés de Paola e de aí xurdiu o 2-0 de potente disparo pola mesmísima escuadra. Insistían as de Ribadeo sobre a portería local, dignas dun marcador se non favorable polo menos igualado, pero tiveron que marchar ao vestiario con 2-0 en contra.
Na continuación as mariñás non cederon no acoso á meta rival; Ana de novo estrelou un balón no pau e Elvira intentouno sen acerto en varias ocasións. Unha perda de balón das ribadenses na zona de finalización propiciou unha nova contra ás locais, co 3-0, de novo, de Andrea. O cansazo nas xogadoras de Martínez, que só puido contar con oito efectivas para este encontro, incidiu nos minutos finais. Volveu Andrea para rematar a faena co 4-0 a falta de 4 minutos.
A parada da liga atrasará a próxima xornada ao 15 de decembro, día no que as ribadenses xogarán de novo como visitantes, ante o Sada FSF.
Ficha técnica
Ribadeo FS: Verónica, Ana, Toñi, Elvira e Helena, cinco inicial; tamén xogaron Arancha, Eva e Yoli.
CD Mosteiro-Bembrive FS: Cristina, Sabela, Andrea (3), Paola (1) e Lidia, cinco inicial; tamén xogaron Sofía, Eva, Lara, Carmen e Sonia.
Árbitros: Enrique Lago Barreiro e Jorge Rolo González, da delegación de Vigo. Mostraron cartón amarelo á mariñá Yoli.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
