Pescaron o “Pesca”
Refírome o helicóptero que ten a súa Base en Celeiro. E non é que o pescaran cun anzol, foi coa parte mercantil das redes comerciais conque enredan os negociantes. O conto é que as Autoridades vendéronllo, traspasáronllo ou amañaron para non ser os donos de tan raros aparellos, como son os helicópteros e fixeron ese apaño pola metade do que custaron. Segundo a prensa “ Inaer, …compra por 13,7 millones unas aeronaves que costaron 27 en 2005” (Voz de Galicia 14/10) E fixeron ben, con eses cartos hoxe pódense comprar polo menos tres ducias de salvavidas de goma con deseño de Prada, e o mais importante é o que aforran en mantemento, en pilotos e axudantes, total un montón de cartos xa que estas aeronaves deberan estar en servizo de urxencias os trescentos sesenta e cinco días do ano, coa súa dotación de tripulación e servizo de 24 horas, día e noite. Saben vostedes cantos cartos fan falla para manter este servizo? Moitos, moitísimos, pois todo iso é o que aforran así que está xustificada tal operación e que se vaia esquecendo o Servicio de Gardacostas de Galicia e non sei que outro departamento de Salvamento Marítimo. Para qué os queremos agora si temos unha empresa privada que no lo vai facer todo? e ademais cómprannos os helicópteros vellos polo que todas son ganancias o que fai unha administración mais solvente. Como di o refrán ·O que vende o que ten, desempeña o que debe”(ou algo así)
Señores xa podemos estar seguros. O servizo de salvar vidas na costa esta privatizado e polo tanto, segundo a teoría dos que non saben levar un negocio, iso faino irreprochable e ademais “barato”. É porqué barato? Non será que todo este tinglado será financiado polos pobres mortos ou vivos, que teñan que salvar da bravura do mar? Por exemplo a empresa terá una lista de prezos mais ou menos así; por corpo recuperado do mar tantos euros, por mariñeiro vivo sacado do mar, tantos e mais euros , así ata chegar a salvar un pesqueiro e a súa tripulación que entón cobraran coma se fose a recuperación do Titanit
Así si que aforrara a Administración e pronto volveremos a ser todos ricos.
Despois de ler isto meu amigo Manolo díxome que estaba moi mal informado pois todo seguira sendo gratis para os accidentados, Quen seguira pagando é o Estado. A verdade é que me quedei moi sorprendido, por que entón, onde esta o aforro?
Segundo me explicou, o servizo estao dando a empresa pero cobrando un prezo por el.
E dicir, a administración tiña un gasto por manter este imprescindible servizo, e ó vendelo ou traspasalo ou o que sexa que fixeron, xa non teñen eses gastos.
Quen segue a ter eses gastos é a empresa que o fai, e ademais dos gastos por razón, por dereito, por lóxica, e por moitas voltas que lle deamos tamén debe ter uns beneficios.
Aclaremos as contas: a Administración tiñas gastos. Supoñamos que 100€
A empresa ten gastos mais beneficios; supoñamos que 100€ de gastos e 50€ de beneficios
O que quere dicir que xa non poderemos ser ricos co que aforre a administración xa que por desmantelar este servizo vai ter que pagar o que antes gastaba, mais os beneficios da empresa. Total que gastaremos mais e seremos mais pobres.
Pero o de cobrar o servicio ós náufragos a algún non lle parecería mal, e como dixo un experto en cobros de débedas, naufrago que non pagara, outra vez para o mar, iso si, con un salvavidas de deseño Prada.
Xosé Ruíz Leivas
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
Durante tres días desfrutan dun programa intenso de actividades na natureza: montaxe e desmontaxe do campamento, surf en Esteiro, tiro con arco, xincana e diversos xogos. A iniciativa está promovida polas Concellerías de Xuventude e Deporte xunto coa Oficina de Información Xuvenil.
Olimpia López, supervisou hoxe en Cospeito un control da campaña de velocidade da DGT, que busca previr sinistros nun verán de maior tráfico. Lembrou que a velocidade inadecuada está presente no 22 % dos accidentes mortais e apelou á responsabilidade dos condutores: cada km/h conta para salvar vidas.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
