20 de decembro de 2012. Diante das recentes manifestacións de Feijóo e Tahoces (D. X. de Industria) apoiando os métodos non convencionais para a extracción de gas en Galiza, ADEGA manifesta o seu total rexeitamento a calquera iniciativa que pretenda utilizar a técnoloxía coñecida como “fracking” no noso país. O “fracking” ou fracturamento hidráulico é unha tecnoloxía desenvolta para a obtención de gas natural en xacementos que non poden ser aproveitados polas técnicas habituais de extracción. No proceso empréganse máis de 500 produtos químicos diferentes, moitos deles canceríxenos e mutaxénicos. Os impactos abranguen verteduras ao ar e no medio acuático pero tamén contaminación do subsolo, desfeita da paisaxe e mesmo tremores de terra. Moitas persoas que residan nos teritorios con pozos de “fracking” deberán abandonalos pola insalubridade destas técnicas.
As técnicas de fractura hidráulica profunda para a obtención de hidrocarburos poderían supor unha das maiores agresións contra o ambiente e a saúde dos galegos/as. Esta tecnoloxía emprega máis de 500 produtos químicos distintos, algúns deles con graves efectos para a saúde humana e ambiental: espumantes, gases comprimidos, ácidos, poliacrilamida para reducir a fricción ou xelificantes con compostos aromáticos (derivados do benceno), organo-metálicos e outros compostos canceríxenos e mutaxénicos.
Malia a que os xacementos susceptíbeis de seren explotados non son tan abondantes como noutros lugares do estado, a densidade de poboación en Galiza é moi superior a de outras áreas damnificadas por estas prácticas. Alén disto, os principais depósitos de gas susceptíbeis de seren aproveitados por estas técnicas poderían atoparse nos fondos das rías e ao longo da plataforma continental galega.
Nas áreas produtoras de gas natural, as técnicas de “fracking” son o último recurso que aplican as multinacionais da enerxía para acabar de espremer un xacemento, que logo abandonan para continuar o seu labor depredatorio noutra área deixando o territorio devastado e inzado de refugallos tóxicos.
A Xunta de Galiza, como noutras ocasións, volta a poñerse aos pés das multinacionais entregando o noso territorio ao capital especulativo para que as súas contas de beneficios engorden a costa da desfeita ambiental e social. Está por ver se Feijóo, Tahoces e compaña non rematan a súa carreira política nos consellos de administración dalgunha destas empresas, tal e como aconteceu con González, Aznar, Solbes…
A Xunta de Galiza debería tomar exemplo do governo de Cantabria (PP) que vén de aprobar un acordo para buscar fórmulas legais que impidan o desenvolvemento destas técnicas no seu territorio. Dende ADEGA facémonos eco do acordo da nosa 37 Asemblea e esiximos da Xunta o veto ao “fracking” en Galiza, seguindo o exemplo do governo cántabro.
Estas prácticas depredadoras son a confirmación de que a actual crise ten tamén unha forte compoñente ambiental: Todo vale para espremer até o último gramo de ouro, gas, coltán… a costa de envelenar a terra e a xente. Despois, a colonizar outro territorio deixando a terra erma e os petos dos especuladores e políticos corruptos cheos.
Ligazóns de interese:
http://fracturahidraulicano.info/
http://frackingezaraba.org/
http://navarraantifracking.blogspot.com.es/
http://frackingteruel.blogspot.com.es/
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
