DERBI PROVINCIAL DE TERCEIRA, NA ANTESALA DO TREPIDANTE BURELA FS-SANTIAGO FUTSAL
O derbi provincial de Terceira entre o Burela FS Pescados Rubén B e o Vilalba FS abrirá o apetito futbolístico este sábado en Vista Alegre (16.00 horas), como antesala ao gran duelo galego, ao trepidante enfrontamento entre o cadro de Julio Delgado e o sólido Santiago Futsal (18.30 horas), que recalará na Mariña defendendo a terceira praza da Primeira División.
Aos pupilos de Iván Cao ‘Lucas’ volve presentárselles un compromiso difícil, ante un rival con veteranía sobre o que tan só teñen un punto de vantaxe. “É un equipo cunha defensa ben traballada e con moita saída á contra; debemos evitar que o partido se converta nun correcalles para non facer perigar o marcador” advertiu o adestrador, que tamén indicou que “o Vilalba chegará a Burela moi motivado despois de vencer ao líder, O Esteo (5-4), na última xornada”.
A falta de dúas xornadas para tocar o ecuador ligueiro, o técnico laranxa amosouse moi satisfeito coa adaptación do equipo á categoría e ilusionado co que os seus xogadores poden ofrecer ata finais da tempada: “A actitude é excelente e os xogadores están en condicións físicas óptimas; estamos madurando e conseguindo non perder a concentración nos partidos” asegurou o mariñán.
Á espera da convocatoria definitiva dos de Julio Delgado, Lucas terá á súa disposición todos os efectivos, a exceción de Antón, sancionado con dous partidos de suspensión tras a expulsión da semana pasada en Vigo.
O Burela FS B despedirá a primeira volta xa en 2013, polo adiamento ao 4 de xaneiro da 15ª xornada na pista xovense do Mesón Pizzería A Fuga, prevista no calendario inicial para o 29 de decembro.
Volve Manu. O canteirán Manuel Jiménez (Burela, 1992) regresa ás filas laranxas. O ala, que comezará a adestrar co Burela FS B nos vindeiros días, estreouse na Segunda División co equipo burelista en 2009-10, aínda en idade xuvenil; no mercado invernal da tempada pasada trasladouse ao Benicarló FS-Castell de Peñíscola FS.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
