MÁIS DE 500 VECIÑOS E VECIÑAS DE RIOTORTO CONCENTRÁRONSE NA PRAZA DAS RODRIGAS PARA RECLAMAR A CONTINUIDADE DA OFICINA DE NOVA GALIZA BANCO
“Non podemos permitir que os nosos maiores teñan que ir ata A Pontenova ou ata Bretoña para poder cobrar a súa nómina ou a súa pensión”
“A existencia da sucursal de NGB é un instrumento fundamental na vertebración do concello, así como na súa dinamización económica”
Riotorto, 1 de decembro de 2012. Arredor de cincocentos veciños e veciñas de Riotorto, así como representantes do goberno local, acudiron masivamente á concentración convocada, hoxe pola mañá, na Praza das Rodrigas, para reclamar a permanencia da oficina que Nova Galicia Banco (NGB) ten na localidade, e cuxo peche suporía unha estocada case definitiva para o concello, veñen de anunciar recentemente dende a entidade bancaria.
“Dende o concello de Riotorto estamos dispostos a seguir ata o final neste asunto, para que as nosas veciñas e os nosos veciños non queden atrás nun servizo da importancia do que presta unha entidade de crédito, posto que de facerse efectiva a medida de NGB de eliminar a sucursal da nosa localidade, a nosa poboación, na que se da un alto grao de avellentamento, veríase obrigada a viaxar ata outro concello para facer calquera tipo de operación bancaria. Non podemos permitir que os nosos maiores teñan que ir ata A Pontenova ou ata Bretoña para poder cobrar a súa nómina ou a súa pensión”, sinalou o rexidor local, Federico Gutiérrez Estoa.
Pola súa banda, a Comisión Veciñal insistiu en que “non podemos máis que defender que Riotorto conte cunha entidade de crédito de seu porque, para todos é sabido, que a existencia desta sucursal é un instrumento fundamental na vertebración do concello, así como na súa dinamización económica, dando vida ao comercio e á hostalaría local”.
Gutiérrez Estoa rematou agradecendo a participación cidadá neste acto posto que “a presenza de tantos veciños e veciñas hoxe aquí é a garantía de que Riotorto vai contar cunha sucursal bancaria”.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.