ADEGA ENTREGOU HOXE OS “PREMIOS POLO TERRITORIO 2013” EN LUGO
A segunda edición dos certames “Fotografías polo territorio” e “O lugar onde vivo” e o I concurso de curtametraxes “E ti que é o que ves?” enmárcanse na Campaña “PONTE NO MEDIO. MÓVETE POLO TERRITORIO”.
A través dos traballos presentados nas distintas modalidades esta asociación ecoloxista pretende promover a defensa do territorio galego.
Lugo a 07 xaneiro de 2013.- A asociación para a Defensa Ecolóxica de Galiza, ADEGA e o delegado de Cultura e Turismo da Deputación de Lugo, Mario Outeiro, entregaron hoxe os premios do II Concurso Fotográfico “Fotografías polo territorio”, do II Certame de Relatos ‘O lugar onde vivo’ e do I Certame de Curtametraxes ‘E ti que é o que ves”, que organiza ADEGA en colaboración coa Vicepresidencia da Deputación de Lugo. Os tres certames en enmárcanse dentro da campaña “PONTE NO MEDIO. MÓVETE POLO TERRITORIO”, co gallo de que a sociedade retrate o estado actual do territorio galego a través da imaxe e da palabra. Os tres concursos foron patrocinados pola Área de Cultura e Turismo de Vicepresidencia Primeira da Deputación de Lugo.
Nesta edición achegáronse 50 fotografías, uns 40 relatos e 8 curtametraxes procedentes de toda a xeografía galega: Mugardos, Agolada, Lalín, Lugo, Cerceda, As Nogais, Vilar de Santos, Cedeira, Ourense, Ribeira, Brión, Arbo, Pontecesures, etc.
II CONCURSO “FOTOGRAFÍAS POLO TERRITORIO”
O obxectivo do concurso de fotografía foi, por unha banda, ofrecer imaxes nas que se mostren agresións ao territorio por parte da actividade humana, xa sexa contra o patrimonio, a cultura a paisaxe eo medio natural, ou aquelas que poñan en valor este patrimonio. Plantexáronse dúas categorías para este premio, xuvenil e adulta, presentándose un total de 50 traballos. Os premiados foron:
• Categoría Adultos/as:
-Gañador: “Mar de contaminación” de Alberte Sánchez Regueiro (Cerceda). Galardón: Diploma e 200 euros.
-Finalistas:
-“Na fin do mundo” e “Ventá ó encoro” de David Martín Utrera (Agolada). Diploma.
-“Nin unha gota” de Ángel Luis Utrera Baza (Agolada). Diploma.
-“Conta-minas” de Roberto Roget Antelo (Baíñas-Vimianzo). Diploma.
• Categoría Xuvenil:
-Gañador: “Frío” de Marcos Utrera Iglesias (Agolada). Diploma e 150 euros.
-Finalistas: “Montes de Ardán” de Alumnos do 2º e 3º Ciclo de Educación Primaria do C.E.I.P de ARDÁN (ARDÁN). Diploma.
II CONCURSO DE RELATOS “O LUGAR ONDE VIVO”
No caso do certame literario tamén participaron máis de 40 relatos, e para decidir os gañadores, o xurado baseouse na orixinalidade, na calidade literaria, na coherencia do código lingüístico empregado e que o territorio galego figurase no relato. Os premiados foron:
• Categoría Adultos/as:
-Gañador: “Ribeira” de Francisco Castro Alvaredo (Ribeira). Diploma e 250 euros.
-Finalistas:
-“O anel” de Marisa Otero López (Santa cruz de Ribadulla, Vedra). Diploma.
-“O meu lar” de Sonia Nogueiras Santana (Vilar de Santos). Diploma.
-“Os sons dun pobo” de Sandra Lorenzo Rodríguez (Ourense). Diploma.
• Categoría Xuvenil:
-Gañador: “A cadeira da moura” de Daniel Duque Puga (Barcela-Arbo). Diploma e 200 euros.
-Finalistas:
-“Mobiliario mortal” de Sara Azidane Chenlo (Pontecesures). Diploma.
-“O muíño do inferno” de Sheila Guille Bugarín (As Neves). Diploma.
-“Brión, un Concello máxico” de Ana Souto Villanustre (Brión). Diploma.
I CONCURSO DE CURTAMETRAXES “E TI QUE É O QUE VES?”
No marco da campaña “Ponte no medio. Móvete polo territorio”, este ano ADEGA tamén convocou o I Certame de Curtametraxes “E ti que é o que ves?, co gallo de que a sociedade retratase o estado actual do territorio galego a través dun documento audiovisual. Este certame consta dunha soa categoría, a adulta, con dous premios. Estes foron os galardoados:
• Gañadores:
-1º premio; “Cóntame como era” de Marisa Otero López (Vedra-Pontevedra). (Diploma e 250 euros).
-2º premio; “O polbo hai que asustalo alo menos tres veces” de Jorge Alba González (As Nogais). (Diploma e 150 euros).
• Finalistas:
-“Listos do pueblo” de Xabier Ramos Vieiro. (Diploma).
-“Cociña Criminal” de Jorge Alba. (Diploma).
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
