O PP úrxelle ao goberno municipal a que optimice a utilización da sala de usos múltiples ubicada ao carón da oficina de turismo, en pleno centro histórico mindoniense
A portavoz popular explica que a localización desta sala é inmellorable e sería un lugar idóneo para localizar exposicións itinerantes sobre a localidade ou incluso de museo para albergar elementos de gran valor cedidos por mindonienses
A popular explica que ten constancia da existencia de iniciativas de persoas privadas con disposición a facer doazóns de elementos de gran atractivo e valor turístico para a localidade
Candia pídelle ao rexedor local que se “non ten ideas”, que permita que entes privados aporten proxectos para instalarse nesta sala de usos múltiples e doten ao lugar como “carta de presentación”, perfecta para Mondoñedo
Mondoñedo, 24 de xaneiro de 2013- O Partido Popular de Mondoñedo úrxelle ao goberno municipal a que optimice a utilización da sala de usos múltiples ubicada ao carón da oficina de turismo da localidade, en pleno centro histórico mindonienses.
A portavoz do Partido Popular, Elena Candia, pon de manifesto a demanda do seu partido neste senso, ao considerar que esta localización está infrautilizada, sendo o lugar idóneo para a ubicación de diferentes proxectos, dada a súa inmellorable localización.
A voceira popular explica que esta sala de usos múltiples podería albergar exposicións itinerantes sobre a localidade ou incluso servir de museo para albergar elementos de gran valor cedidos por mindonienses. Elena Candia explica que ten constancia da existencia de iniciativas de persoas privadas con disposición a facer doazóns de pezas de gran atractivo e valor turístico para a localidade.
Neste senso, Candia pídelle ao rexedor local que se “non ten ideas” ou “non é quen de materializadas”, que cando menos permita que entes privados aporten proxectos para instalarse nesta sala de usos múltiples.
A portavoz popular asegura que a sala de usos múltiples ubicada ao lado da oficina de Mondoñedo poder ser unha “ boa carta de presentación”, da localidade para os visitantes que se desprazan ata o municipio.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
