UNIFOZ denuncia unha situación de “abandono” por parte do goberno do PP de Foz e piden máis “coidado” do pobo

Unifoz, ten que denunciar a situación de ABANDONO , a que nos ten sometido este Goberno do PP de Foz, que semella se dilúe ante as dificultades, un goberno presidido polo sr Castiñeira, onde a prepotencia e chulería lle sigue xogando malas pasadas, e non lle deixa ver o camiño do diálogo e a humildade, aos incidentes xurdidos fai un tempo cun veciño de San Acisclo, despois cun hostaleiro de forma caprichosa, vemos en estes días un lamentable episodio cun industrial, que sen entrar no fondo da cuestión, nin as formas, si temos que lamentar a imaxe que está causando ao noso pobo, e que a incompetencia do Sr Alcalde non é quen de dar solucións aos problemas que el mesmo provoca.
Ante unha dimisión anunciada, coma a do Sr Pavón a quen queremos agradecerlle os servizos prestados, ao día de hoxe aínda non se coñece que será a persoa que se ocupe do posto de concelleiro/a nin da delegación de s.sociais.
Mentres todo isto pasa no Concello, os veciños vemos o abandono no mantemento de alumeado ,como se pode ver na imaxe xunta, onde a falta de protección pode provocar graves consecuencias.
Así mesmo, e a pesar de que Unifoz xa o denuncio fai días , ao día de hoxe aínda non se corrixiu a situación dos basureiros incontrolados na parroquia de Fazouro.
Os taboleiros para colocar anuncios nas parroquias están totalmente desfeitos, pola falta de mantemento e reposición dos mesmos.
Os sumidoiros seguen se limpar, e como mostra se poden ver os da rúa Alvaro Cunqueiro.
Si fai tempo dende UNIFOZ, pedimos unha campaña de colaboración cidadá para combater a situación de asaltos domiciliarios e de comercios,, este goberno segue mirando para outro lado.
Queremos pedirlle a este goberno se preocupe menos das festas e algo máis do coidado do pobo e atención os cidadáns.