A Deputación mellora a comercialización dos produtos autóctonos e de calidade cofinanciando a oitava feira Expogrelo de Abadín
A Vicepresidenta Segunda da Deputación de Lugo, Lara Méndez, e o Alcalde de Abadín, José María López Rancaño, presentaron este xoves no Salón de Actos de San Marcos a oitava edición da feira Expogrelo, que, baixo o lema Artesanía Vexetal, se celebrará o vindeiro 16 de febreiro no recinto feiral da localidade de Gontán. O organismo provincial cofinancia un ano máis este certame monográfico cunha achega económica de 3.000 euros, unha colaboración coa que, segundo destacou a Vicepresidenta, “contribuímos a mellorar a comercialización dos produtos autóctonos e de calidade da nosa provincia, entre os que o grelo é un referente”. A calidade deste prezado vexetal, que conta dende o ano 2009 con Indicación Xeográfica Protexida (IXP) en Abadín é, de feito, o sinal de identidade da feira, pois existe un control previo á apertura do recinto feiral e cada mada ten garantida a súa trazabilidade alimentaria.
Lara Méndez enmarcou o apoio a Expogrelo na decidida aposta polo sector primario que está facendo a Deputación “para que sexa un dos eixos que nos axude a saír da difícil situación económica que atravesamos”. “Colaborando con esta feira, estamos a facer unha inversión con retorno, pois a celebración de Expogrelo ten efectos moi beneficiosos no Concello de Abadín e na comarca da Terra Chá: xérase riqueza e poténciase un sector básico na provincia”, argumentou a Vicepresidenta.
Pola súa banda, o Alcalde de Abadín quixo agradecer a colaboración da Deputación de Lugo, destacando a importancia do apoio económico a estas iniciativas, “moitas explotacións do Concello diversificaron á súa produción, fortalecendo o tecido económico do sector primario de Abadín; Nesta diversificación o grelo ten un papel relevante”
O programa
Unha vintena de produtores poñerán á venda uns 2.000 quilos de grelos na oitava edición desta feira, que arrancará ás 10:00 horas e incluirá animación musical e degustacións, ademais dun concurso de cestas, que repartirá 210 euros en premios. Haberá premios de 50, 30 e 20 euros á calidade, e outros tantos á decoración.
130.000 euros para certames alimentarios
A colaboración do organismo provincial enmárcase na súa aposta polo impulso dos produtos autóctonos para xerar riqueza en Lugo. Por este motivo, ó igual que financia a feira Expogrelo de Abadín, a Deputación impulsa outros eventos na provincia, como Festa do Porco Celta de Sarria, a Festa do Berberecho de Foz, o Mercado Renacentista de Viveiro, a Feira de Produtos Ecolóxicos e Artesáns de Burela, a Festa da Cereixa de Ribas do Sil, a Festa da Castaña do Courel, a Festa da Canteiría e Callos de Guitiriz, ou a Festa da Empanada de Chantada, ata superar as 30 xornadas, para ás que achega máis de 130.000 euros.
Portal de venda on line
Outra das iniciativas a través das que a Deputación pon en valor os produtos autóctonos é a plataforma de comercio electrónico www.losproductosdelugo.com que conta hoxe con 80 empresas adheridas, entre elas varias precisamente que comercializan grelos, coma Champivil, de Vilalba, e Milulloa, de Palas de Rei. A Vicepresidenta Segunda aproveitou para animar ás firmas dedicadas a este e sector a sumarse ó portal provincial de venda on line, único en Galicia das súas características, pois está dedicado en exclusiva ós produtos autóctonos e as empresas adheridas non teñen que asumir ningún custe.
Plan Fórmate en Verde
Ademais, esta semana, o organismo provincial lanzou un plan de emprego específico para potenciar o sector primario como oportunidade para o desenvolvemento económico da provincia. Trátase do programa Fórmate en Verde, a través do que a Deputación dará formación e asesoramento técnico e especializado, de maneira totalmente gratuíta, a un mínimo de 900 lucenses para crear empresas vinculadas á gandería e agricultura ecolóxica, así como o aproveitamento forestal sostible. As persoas interesadas nesta ambiciosa iniciativa, dotada con 1 millón de euros, achegados ó 80% pola Unión Europea, poden encontrar toda a información na web provincial www.deputacionlugo.org
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
