Dende o Grupo Municipal do PSdeG-PSOE de Foz somos conscientes de que o actual contexto de crise económica e a elevada taxa de desemprego están a ocasionar verdadeiras dificultades económicas a centos de miles de familias, que están a chegar a unha situación límite que non lles permite cubrir as súas necesidades máis básicas. O Concello de Foz non é alleo a este fenómeno, xa que continúan a producirse cada día máis casos de familias completas con todos os seus membros no paro, familias que ven como un dos seus maiores logros, a súa vivenda, pode estar en perigo por unha execución hipotecaria que pode provocar a perda do inmoble. E aínda por riba de perder a vivenda, estarán expostos a unha condena financeira de por vida.
A perda da vivenda tamén leva consigo a perda doutros dereitos e impide ás persoas afectadas realizarse no ámbito familiar e profesional, e condena, en moitos casos, á marxinación e exclusión social.
En definitiva, a situación de desamparo na que se atopan algunhas das nosas familias, asfixiadas por unha situación laboral cada vez máis insostible e unha hipoteca froito da avidez de especuladores e entidades financeiras, é moi preocupante.
Por todo o exposto, dende o Grupo Municipal Socialista de Foz, considérase que se está a vulnerar un dos dereitos fundamentais dos cidadáns, o da vivenda. O artigo 47 da Constitución establece que “Todos os españois teñen dereito a unha vivenda digna e adecuada, e que os poderes públicos promoverán as condicións necesarias e establecerán as normas pertinentes para facer efectivo este dereito, regulando o uso do solo de acordo co interese xeral para impedir a especulación”.
Debido a isto, o noso Grupo Municipal presenta esta iniciativa coa finalidade de instar ao Alcalde e ao Equipo de Goberno focense para que se adopten medidas dirixidas a paliar dalgún xeito os problemas existentes, tendentes a que os poderes públicos dean cumprimento efectivo ao mandato do art. 47 da Constitución Española, e se estuden saídas xustas á cuestión das vivendas baleiras.
Consideramos necesario intervir con urxencia ante esta dramática situación, que levou a horrorosos desenlaces coa perda de vidas, e que, coa duración prolongada desta crise inhumana, estase a agravar día a día.
Polo exposto, o Grupo Municipal do PSdeG-PSOE de Foz, defenderá no vindeiro Pleno da Corporación unha Moción solicitando a adopción das seguintes medidas dirixidas a axudar ás familias con dificultades económicas:
Que, dende os Servizos Sociais do Concello de Foz, se elabore un rexistro no que se poidan inscribir as unidades familiares empadroadas no noso Concello que teñan todos os seus membros en idade de traballar desempregados, así como aquelas cuxos ingresos sexan inferiores ao IPREM (Indicador Público de Renda de Efectos Múltiples) previsto para este ano (532,51 € mensuais), e no que figuren, tamén, aquelas familias que corren risco de ser desafiuzadas das súas vivendas por non poder facer fronte ao pago das correspondentes cotas do seu préstamo hipotecario ou do seu alugamento, así como as familias que xa foron vítimas de desafiuzamento da súa vivenda habitual en Foz.
Que se negocie coas entidades bancarias, empresas inmobiliarias e, incluso, os particulares que dispoñan dalgunha vivenda sen ocupar na nosa localidade, e estean dispostos a ofrecer ditos inmobles en alugamento social coa finalidade de poder axudar ás familias que están a atravesar este tipo de penurias económicas.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
