Na Mariña os máis afectados son o IES Perdouro de Burela e o IES Maria Sarmiento de Viveiro
Ribadeo a 19 de marzo de 2013.- Segundo un estudo feito pola CIG-Ensino, a Consellaría de Educación recorta nun total de 21 centros de ensino de Secundaria en máis dun 20% a partida destinada a gastos de funcionamento. En 123 centros de ensino de Secundaria, do total de 334 -o que representa un 36,82 % do total de Institutos de Educación Secundaria, Centros Integrados de Formación Profesional e Centros Públicos Integrados – a porcentaxe de recorte nesta partida supera o 9%. Este é o cadro ilustrativo dos recortes en porcentaxes:
|
Número de centros |
Porcentaxe de recorte |
|
21 |
Do 9% ao 10% |
|
19 |
Do 10% ao 11% |
|
14 |
Do 11% ao 12% |
|
13 |
Do 12% ao 13% |
|
8 |
Do 13% ao 14% |
|
6 |
Do 14% ao 15 % |
|
8 |
Do 15% ao 16% |
|
4 |
Do 16% ao 17% |
|
3 |
Do 17% ao 18% |
|
5 |
Do 18% ao 19% |
|
1 |
Do 19% ao 20% |
|
21 |
máis do 20% |
Na Mariña, os centros máis afectados por estes recortes son o IES Perdouro de Burela e o IES María Sarmiento de Viveiro. O primeiro sofre un recorte de máis dun 15,50 % con respecto ao ano 2012 (26.364 euros menos) e o segundo case un 13% (20.631 euros menos). A maioría destes recortes prodúcense en pequenas vilas e poboacións do rural. Na provincia de Lugo a redución aféctalle a máis de 15 centros e existen casos sangrantes como o centro integrado de Navia de Suarna onde se reduce nun 54,83 %.
A CIG-Ensino xa denunciara que no ano 2012, a partida destinada ao gasto de funcionamento destes centros foi de 31.108.000 de euros fronte aos 28.336.500 deste ano 2013. A este decrecemento do 9% respecto do ano 2012 habería que lle engadir o incremento dos prezos dos gastos que os centros teñen que facer fronte con esta partida, pois a calefacción, a luz, a auga, gastos de departamentos, material fusíbel, trasporte para actividades complementarias etc. tiveron unha suba importante en relación ao exercicio anterior.
A Consellaría con estes recortes persiste na súa cruzada contra o ensino público que impedirá o funcionamento normal dos centros e suporá un deterioro no desenvolvemento escolar e , mesmamente, na calidade do ensino. Téñase en conta que este estrangulamento faise aínda máis grave porque no ano 2012 os centros xa padeceron outro importante recorte na partida destinada a gastos de funcionamento e que estes recortes reduciran as partidas de moitos centros en máis de 20.000 euros polo que tiveron que restrinxir moito o gasto por exemplo de calefacción coas consecuencias que isto ten para o alumnado e para o desenvolvemento normal das clases lectivas.
O PP non ten cancelas na súa política educativa de desmantelamento constante e de redución das necesidades dos centros públicos, mentres malgasta diñeiro público en satisfacer os seus postulados ideolóxicos mediante o desvío de 240 millóns de euros ao ensino privado concertado, 3 millóns a centros que segregan alumnado por razón de xénero de forma anticonstitucional, 29 millóns para pagar profesorado de relixión ou máis de 200.000 euros en gastos extra para os centros privados destinados a servizos que non teñen os centros públicos. Cada día, a Consellaría de Educación anuncia un novo recorte no ensino público como son a ampliación do copago nos comedores escolares, a redución do profesorado, a non cobertura das baixas de menos de 15 días, o recorte de prazas para comedores, os recortes de gastos para bibliotecas escolares, formación do profesorado, actividades extraescolares, normalización lingüística, intercambios, etc, etc. Agora, con este novo recorte moitos centros terán serias dificultades para o seu funcionamento diario por non poder afrontar gastos que son necesarios como por exemplo en calefacción.
A CIG-Ensino exíxelle ao PP que deteña o seu empeño en desmantelar o ensino público porque isto supón, entre outras cousas, o incremento das desigualdades sociais e, polo tanto, que as consecuencias as paguen os máis desfavorecidos.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.