A Deputación de Lugo potencia a gandería ecolóxica como “alternativa de futuro para o rural lucense” a través do seu plan de emprego Fórmate en Verde, unha iniciativa grazas á que un milleiro de veciños da provincia recibirá gratis formación e asesoramento técnico especializado para crear, diversificar ou reconverter empresas vinculadas á produción biolóxica. Así o asegurou o Deputado de Cooperación e Asistencia ós Concellos, Álvaro Santos, quen inaugurou este martes, na Granxa Gayoso Castro, un novo curso do Fórmate en Verde, neste caso sobre vacún maior ecolóxico.
Santos destacou que, co novo plan de emprego provincial, “impulsamos unha actividade na que a provincia xa é punteira na actualidade, pois a gandería ecolóxica move en Lugo uns 7 millóns de euros ó ano, o 50% da facturación de Galicia”. No caso do leite ecolóxico, con 5,5 millóns de euros, a provincia concentra o 60% do volume de negocio da comunidade galega, e o 40% do de carne (1,4 millóns de euros).
O Deputado destacou así mesmo as “grandes expectativas de crecemento” da produción biolóxica, tendo en conta que, dende comezos da crise, en 2007, a facturación subiu un 20% ó ano en Galicia. Tamén se disparou o número de hectáreas dedicadas á agricultura orgánica, medrando un 90% na última década, así como a cantidade de operadores, pasando dos 217 do ano 2003 ós 814 inscritos no Consello Regulador de Agricultura Ecolóxica de Galicia (CRAEGA) a data de febreiro deste ano, dos cales 341 (o 42%) son da provincia: 213 de produción vexetal e 128 de produción animal. Tamén confirma o potencial da gandería ecolóxica, o feito de que, segundo datos do CRAEGA, os produtos ecolóxicos con maior demanda son o leite, as carnes e os ovos, indicou Álvaro Santos.
Curso na Granxa Gayoso
O curso que arrancou hoxe na Granxa Gayoso Castro ten 25 alumnos, a maioría procedentes da Terra Chá, pero tamén da Zona Sur e das comarcas de Lugo e A Mariña. As clases impartiranse ata o 20 de maio, en horario de 10:00 a 14:00 horas. Xunto a esta acción formativa, hoxe comezou tamén outro curso on line da mesma temática –vacún maior ecolóxico- que continuará ata o 19 de xuño e conta con 25 participantes, a metade deles da Terra Chá e os restantes da Zona Sur, A Mariña, A Montaña e a comarca de Lugo.
Entre mañá mércores, 20 de marzo, e o 30 de abril, terá lugar outro curso de agricultura ecolóxica de modalidade mixta, isto é, unha parte presencial, que se impartirá na Casa Sindical de Monforte, de 10:00 a 14:00 horas, e outra on line. Nesta acción formativa participan 20 persoas, todas da Zona Sur.
Dende o luns xa está en marcha ademais un curso en Viveiro sobre xestión forestal sostible, que continuará ata o vindeiro 30 de maio, en horario de 9:00 a 14:00 horas, nos claustros de San Francisco.
Un mínimo de 900 prazas
As persoas interesadas en beneficiarse da oportunidade de futuro que supón o plan Fórmate en Verde, financiado ó 80% pola Unión Europea, poden en calquera caso seguir anotándose, pois o proxecto conta con un mínimo de 900 prazas e as seguintes accións formativas iniciaranse nas vindeiras semanas, de maneira progresiva, a medida que se vaia completando a selección e organizando os grupos. Para anotarse deben entrar en www.deputacionlugo.org escoller a actividade na que queren formarse, cubrir o formulario correspondente e envialo dende a propia web. Cada persoa só pode solicitar un curso de cada sector ofertado: gandería e agricultura ecolóxica, e xestión forestal sostible.
O programa está dirixido a desempregados, emprendedores, mozos, agricultores, gandeiros e estudantes de toda a provincia, excepto os censados no Concello de Lugo, pois son destinatarios doutros programas europeos.
Formación, práctica e asesoramento
O plan de emprego Fórmate en Verte ten tres eixos:
– Formación: que pode ser presencial, a distancia ou mixta, e impartirase entre este mes de marzo e outubro.
– Visitas prácticas a empresas xa consolidadas dos sectores agropecuario e forestal.
– E, posteriormente, asesoramento técnico especializado a tódolos participantes para crear empresas no rural vinculadas ós sectores gandeiro, agrícola e forestal. As persoas que queiran reconverter a súa explotación, diversificar a súa actividade ou ben poñer en marcha unha nova empresa, contarán con asesoramento continuo e especializado, dende a mesma concepción da idea, ata a súa saída ó mercado.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.