O torneo conta con 3 sedes: Lugo no campo das Gándaras, Becerreá e Ribadeo no campo de herba artificial de fútbol 7 e participarán 150 equipos de xuvenís, cadetes, infantís, alevíns, benxamíns e pre-benxamíns.
Lugo, 4 de marzo de 2013. Esta mañá o vicepresidente da Deputación de Lugo, o nacionalista Antonio Veiga, e o delegado de Cultura e Turismo, o nacionalista Mario Outeiro, presentaron a segunda edición da Copa Deputación de Fútbol Base, que se disputará entre os días 25 e 31 de marzo, coincidindo coa Semana Santa.
Antonio Veiga na súa intervención explicou que “este torneo move a máis de 2.500 rapaces e as súas familias, polo que estamos falando dun evento cunha magnitude moi grande e que implica aos clubs de toda a provincia. O ano pasado da categoría xuvenil, na provincia a tempada pasada había 38 equipos dos que participaron 34; de cadetes, había 32 e participaron 3; de infantís, había 36 e participaron 33; alevín, había 42 e participaron 42; e benxamín, había 38 e participaron 32. Estamos a falar de 137 equipos, cifra que se superará este ano, e arredor de 2.500 xogadores. Este ano ademais inclúese a categoría de pre-benxamíns como novidade, polo que a cifra de equipos e xogadores participantes incrementarase con seguridade”.
Veiga afirmou que “como vén sendo a nosa liña de traballo desde a Área de Deportes da Deputación, queremos facer fincapé no apoio ao deporte de base, propoñendo esta competición futbolística que será tamén un gran evento socializador e de convivencia para todas e todos os nenos e as súas familias.”
Este ano as sedes do torneo serán Lugo no campo das Gándaras, Becerreá e Ribadeo no campo de herba artificial. En Lugo xogarán as categorías xuvenil e infantil os días 25, 26 e 27. En Becerreá as categorías cadete e alevín o 28 e 29 de marzo e en Ribadeo as categorías benxamín e pre-benxamín a fin de semana do 30 e 31 de marzo.
Hai que salientar que os custes de desprazamento, manutención e aloxamento para aqueles equipos que se teñan que desprazar moitos quilómetros estarán sufragados pola Deputación de Lugo, ademais de todos os gastos propios da competición como arbitraxes, materiais, etc. Nesta liña, Antonio Veiga puntualizou que “é un aliciente para os equipos saber que teñen todos os gastos cubertos, xa que os equipos que se teñan que desprazar máis de 50 quilómetros desde a súa orixe ao punto onde se disputa o torneo terán sufragados os gastos de desprazamento, así como o aloxamento e a manutención para os equipos que se teñan que desprazar máis de 75 quilómetros. Tamén cada xogador levará un agasallo pola súa participación e o equipo recibirá unha bolsa con 5 balóns, ademais dos correspondentes trofeos aos 4 equipos finalistas de cada categoría. Polo tanto, estamos poñendo todas as facilidades para que participen o maior número de futbolistas e de clubs”. Veiga lembrou que hai até o 8 de marzo de prazo para inscribirse a través do correo electrónico copadeputacionfutbolbase@gmail.com e calquera dúbida pode ser solucionada chamando ao 630078398.
Antonio Veiga tamén lembrou que os campos de fútbol de herba artificial de Becerreá e Ribadeo foron feitos co investimento da Área de Deporte da Deputación de Lugo.
Pola súa banda, o delegado de Cultura e Turismo, Mario Outeiro, afirmou que “estamos a presentar un evento deportivo que ten unha repercusión que vai máis aló da propia competición en si, xa que o comercio e o sector hostaleiro das vilas onde se disputa a competición recibe unha importante inxección económica ao desprazárense centos de rapaces e as súas familias. Ademais, cremos que ao celebrarse coincidindo coa Semana Santa pode incidir en que tamén o sector hoteleiro mellore as súas cifras de ocupación”.
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
