A PLATAFORMA FAI UN CHAMAMENTO A ORGANIZACIÓNS DE COMERCIANTES, EMPRESARIAIS, ASOCIACIÓNS VECIÑAIS, FORZAS POLÍTICAS E SINDICAIS E AO CONXUNTO DA SOCIEDADE A PLANTAR CARA A ESTA MEDIDA QUE SUPORÁ A MORTE DOS SERVIZOS SANITARIOS PÚBLICOS NA MARIÑA
FEIJOO TRAICIONA OS SEUS ANUNCIOS DE 2010 E OS COMPROMISOS DA ANTERIOR CONSELLEIRA FARJAS QUE GARANTÍU NO PLENO DO PARLAMENTO A AUTONOMÍA DE XESTIÓN SANITARIA DA MARIÑA
A Mariña, 8 de marzo de 2013. A Plataforma na Defensa da Sanidade Pública da Mariña cualificou de “alta traizón” o anuncio do Pte. Feijoo após o Consello da Xunta de onte de que A Mariña e Monforte pasarían a depender de Lugo unha vez de aplique o Decreto de Xestión Integrada de ámbito provincial. Para a Plataforma este anuncio choca de fronte cos anuncios realizados por Feijoo o 4 de outubro de 2010 en Lourenzá sobre a total autonomía de xestión do Hospital da Costa e tamén van no camiño contrario aos compromisos da anterior Conselleira de Sanidade que declarou no Parlamento Galego en dúas ocasións “a total “autonomía da Mariña en recursos humanos, infraestruturas e prestacións de servizos da área sanitaria, dos Hospital da Costa e dos centros de saúde”. A Plataforma fai un chamamento a organizacións empresariais e de comerciantes, asociacións veciñais, forzas políticas e sindicais, aos alcaldes de todo signo político e ao conxunto da sociedade mariñá a plantar cara a esta medida que suporá a morte dos servizos sanitarios públicos da Mariña.
FEIJOO CONDENA A MORTE A PRESTACIÓN DE SERVIZOS SANITARIOS PÚBLICOS EN ATENCIÓN PRIMARIA E ESPECIALIZADA NA ÁREA NORTE DE SAÚDE.
O anuncio de Feijoo é unha traizón aos intereses da comarca xa que coa aplicación do Decreto de Xestión Integrada de ámbito provincial “as decisións sobre recursos humanos, prestación de servizos e infraestruturas no hospital da Costa e centros de saúde da área sanitaria norte pasarían a depender das decisións dunha xerente provincial”. Para a Plataforma este anuncio supón “o principio do fin e a morte por inanición do Hospital da Costa e de calquera esperanza de mellora na prestacións de servizos deste centro hospitalario e dos centros de saúde asociados” do que dependen mais de 70.000 persoas e un número moi elevado en determinadas épocas do ano.
Unha área de xestión integrada de ámbito provincial a xuízo da Plataforma terá as consecuencias:
a) Unha xerencia situada en Lugo, pola súa distancia, sería unha gran descoñecedora dos problemas que xurdisen nos centros da área da Costa.
b) Unha xerencia situada en Lugo sería a morte de investimentos tanto no propio Hospital como nos Centros de Saúde da Costa.
c) Unha xerencia única situada en Lugo significaría o peche de servizos e a perda de especialidades, obrigando aos usuarios da Mariña a desprazarse a Lugo.
d) Unha xerencia única situada en Lugo leva incluída a mobilidade do persoal sanitario, pois ao pechar servizos, sobrarían profesionais.
d) Unha xerencia única situada en Lugo e diante da escaseza de certos especialistas, implicaría desprazamentos constantes de poboación da Costa á capital, o que levaría consigo unha perda de calidade de asistencial e de vida, ademais de teren que asumir gastos de desprazamento, e incluso de hospedaxe, (volveriamos pasar por situacións que sucedían fai 27 anos e non queremos repetir)
CO DECRETO AÍNDA SEN APROBAR É O MOMENTO DE QUE A SOCIEDADE MARIÑÁ REACCIONE CON CONTUNDENCIA CONTRA ESTA MEDIDA.
A Plataforma fai un chamamento a organizacións empresariais e de comerciantes, asociacións veciñais, forzas políticas e sindicais, aos alcaldes de todo signo político e ao conxunto da sociedade mariñá a plantar cara a esta medida que suporá a morte dos servizos sanitarios públicos da Mariña. De igual maneira que a sociedade mariñá reclamou unida a existencia dun hospital como que hoxe temos, debería reaccionar agora diante deste anuncio, “pendente da publicación do Decreto, non queda moito tempo para reaccionar polo que toda a sociedade mariñá debería estar unida para evitar o que tanto profesionais da sanidade como boa parte da comarca xa cualifican como a morte por inanición do Hospital da Costa e os seus centros de saúde asociados”.
A Plataforma pide posicionamentos públicos claros e contundentes na defensa dun decreto de xestión integrada propio para A Mariña, non é tempo de agardar acontecementos nin de poñerse de canto, non defender o que temos sería traizoar os intereses desta comarca e quen non o faga non debería ser perdoado.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
