Foz vive un deses episodios que poñen en entredito a confianza mínima que deben inspirar gobernantes, e aspirantes, cuxo poder emana do voto. Á procura destes o PP, PSOE, BNG e UNIFOZ, nas eleccións municipais últimas, botaron as redes á captura de papeletas dando de comer copiosamente ós votantes, en sucesivas larpeiradas, e así xulgar ós candidatos, non se sabe se polas habilidades culinarias ou pola abundancia da papatoria. Publicamos entón o artigo “Eleccións e cuchipandas” pois había quenes, por consideralo ofensivo á auto-estima, rexeitaban o sistema, laiándose de que os rañavotos esqueceran aquelo de Castelao: “hai necesidades que non se senten no estómago”; mais estes políticos ó parecer concéntranas no bandullo, polo que se deron con afán á tarefa. “¿Que queres? – dixo alguén – :é o que hai…”.
Dilucídase agora un asunto que pode ser transcendente, e no seu tratamento darán a talla os munícipes:¿que se fai coa depuradora: amplíase a capacidade, ou sexa, auméntase o risco, ou trasládase a ubicación?. O resultado da primeira opción é coñecido…Temos reiterado que a historia- mestra da vida- hai que asumila na medida na que se dan os feitos: negala, ou pretender manipulala é sempre un erro e, moitas veces, unha estupidez…
Hai arredor de quince anos era o cronista membro do Consello Parroquial, para o que fora recrutado. A demanda de nichos desbordaba a dispoñibilidade. Había que construír novas sepulturas.¿Pero onde?. Dous posibles: ampliar o camposanto, ou iniciar un novo facendo xa nel enterramentos, coa vista posta en que pasado un tempo (que sería longo) se extinguira aquel e recuperar un espazo que permitira cumprir outras posibles funcións, tendo en conta ademais o fermoso do emprazamento.
Tratouse o asunto no Consello; o cronista opúxose rotundamente a amplialo- en contra do criterio da Igrexa- pois significaría hipotecar a perpetuidade o futuro dos terreos. Non tardou en chegar o rumor de que veciños, sempre respectables, opoñíanse á apertura do novo aducindo que no vixente, tiñan seres queridos soterrados… En conversas casuais con eles era fácil convencelos sobre algo do que todos participamos. Sabendo que para os políticos, o posible de apañar catro votos, ou o risco de perdelos, altéranlles as crenzas, preguntamos, un a un ós portavoces a súa opinión, coincidindo na negativa á ampliación, feito que, de producirse, obrigaba a modificar as normas subsidiarias no contorno do mesmo. O día 16.11.98 o pleno da Corporación, presidido polo alcalde Rivera, aproba a modificación, ábrese a veda e consúmase o que, hoxe coma onte, coidamos que nunca debeu facerse. ¡Estes políticos…!
O cronista, por indómito, resultaba incómodo e foi represaliado: nunca mais o convocaron ás reunións do Consello; sutil forma de sacalo do medio, ¡que alivio!
Escoitando a certas persoas da política local tememos que, preto de vinte anos despois, en evolución claramente “progresista”, revivamos a experiencia; a historia dicta as súas leccións pero somos malos discípulos e non as damos aprendido. ¡Estes políticos…!
Suso Fernández
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
