Burela, 7 de marzo de 2013. O alcalde de Burela, José Mª González Barcia, cualifica de firme o compromiso do presidente da Xunta co hospital da Costa e insiste en que o equipo de goberno burelés e o PP defenden os intereses do conxunto dos veciños e veciñas da comarca da Mariña.
O rexedor sinalou que “si alguén me pide que saia defendendo o hospital da Costa salgo a defender a ese centro, aos usuarios dese centro e á ampliación do hospital. O que non salgo é a defender os intereses particulares de certas persoas, como algún membro da plataforma que cobra da Deputación de Lugo, pero o seu posto de traballo está na sede comarcal do BNG en Foz”.
González Barcia reiterou que “estou a favor da ampliación do hospital, estou a favor de que teña máis e mellores servizos e estou a favor de que o hospital teña a suficiente autonomía. Insisto: non estou disposto a aguantar e escoitar a persoas que no seu momento ocuparon cargos de responsabilidade con bos soldos no hospital da Costa durante a Xunta bipartita e daquela, que tamén era necesaria a ampliación deste centro, calaron a boca”. O alcalde de Burela lembrou que “asistín na miña época anterior de alcalde a unha xuntanza coa conselleira de Sanidade, Mª José Rubio, na que dixo que se esqueceran da ampliación do hospital e algunhas persoas que están agora a formar parte da dirección desa pretendida plataforma pola sanidade pública naquel momento estaban nese encontro e calaron a boca. Esas persoas teñen que dar cara e dicir qué intereses defenden, si son os dos liberados sindicais, etc”.
O rexedor burelés subliñou que “nós desde o PP defendemos os intereses do conxunto dos veciños desta comarca e o paso dado por Alberto Núñez Feijoo é importante, porque si o presidente da Xunta na campaña electoral fixo o anuncio que fixo comprometéndose á ampliación do hospital da Costa nesta lexislatura, todo o mundo ten que entender que o primeiro paso é facer o proxecto de construción e iso foi o que anunciou o outro día aquí en Burela. E nese proxecto de construción aparecerá con detalle qué tipo de ampliación se vai levar a cabo, qué inversión se vai facer e o prazo de execución das obras”. José Mª González Barcia cre que “o compromiso é máis que firme. Agardo e confío que a maioría dos cidadáns que o outro día acudiron á concentración de boa fe están satisfeitos co anuncio feito polo presidente da Xunta, porque Núñez Feijoo cumpre a diferenza doutros, exactamente igual que cando veu a Foz e dixo que o asunto do subministro enerxético a Alcoa estaba en vías de solución e cumpriu”.
Día internacional das mulleres
Nesta xornada o alcalde tamén se referiu ao día internacional das mulleres: “Quero felicitar á concelleira delegada de Servizos Sociais e de Igualdade, Diana Durán, co seu equipo e tamén felicitar a agradecerlles ás asociacións de mulleres a súa colaboración pola organización destes actos. Os que se van desenvolver en Burela o sábado, 9 de marzo, son moi sinxelos. Simplemente recolleremos as experiencias de catro mulleres que viven aquí en Burela e que no seu tempo estiveron no estranxeiro como emigrantes ou que son inmigrantes agora aquí, faremos unha pequena homenaxe a unha muller moi querida aquí en Burela que por desgraza nos deixou para sempre hai un mes e que foi unha mestra de grato recordo para moitas mulleres de Burela dona Carmen Iravedra e logo haberá un xantar, organizado polos propios colectivos de mulleres, para reivindicar o papel que a muller ten dentro do campo laboral e dentro do conxunto da sociedade e que ás veces non é suficientemente recoñecido”.
Bolsa de emprego
Sobre a bolsa de emprego do Concello José Mª González Barcia destacou a importante labor que está a realizar, “as xuntanzas que temos con parados o que fan é encauzar a esas persoas que están nunha situación crítica a encontrar unha solución ao seu problema. Penso que estamos actuando dunha forma máis que correcta, comprometidos co emprego e co desemprego, comprometidos coa formación e aí están ese case medio millón de euros aportado nos últimos meses pola Xunta de Galicia para estas políticas activas que estamos a desenvolver”.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
