Ribadeo, 6 de marzo de 2013. O Consello Consultivo de Galicia avalou a decisión do Concello de rescindir o contrato coa empresa que executou parte da obra do pavillón deportivo de Ribadeo. Este foi un dos asuntos abordados no pleno extraordinario de onte no que por unanimidade se aprobaron a reclamación previa da asociación de montes veciñais en man común Monte Cordal, á que o Concello lle recoñecerá a titularidade de dous camiños e tamén o convenio urbanístico entre o Concello e os propietarios dun solar na Avenida de Galicia.
O rexedor sinalou que “o Consello Consultivo de Galicia informou favorablemente a proposta de resolución que formulamos desde o Concello no sentido de rachar o contrato por incumprimento do prazo de execución da obra e ao mesmo tempo isto conlevará á incautación da garantía, ao resarcimento de danos e perdas e tamén se acordou efectuar os contratos urxentes e imprescindibles para garantir a seguridade de obra”.
Suárez Barcia manifestou que “continuamos o trámite, que é longo e tedioso, con toda a determinación para canto antes sexa posible licitar o resto do proxecto pendente para que os veciños e veciñas de Ribadeo poidan utilizar este novo pavillón, que financiou integramente a Deputación Provincial de Lugo, e que ven substituír ao vello que tiña unha situación de esgotamento estrutural e de perigo inminente para os usuarios”. E engadiu que “neste longo camiño tamén o Concello é vítima da situación económica que poida provocar que empresas que gañaron concursos non poidan entregar as obras nos prazos comprometidos, pero a nosa misión é garantir que o novo pavillón chegue a bo porto”.
Na sesión plenaria extraordinaria de onte abordouse a reclamación presentada pola asociación de montes veciñais das Anzas. O alcalde lembrou que “se trata dun asunto que quedaba enriba da mesa noutro pleno anterior para buscar máis información co fin de determinar de quen era a titularidade de dous camiños que reclamaban. Despois de solicitarlle á Consellería de Medio Rural que nos ampliase información en dúas ocasións, as súas respostas non foron esclarecedoras para nada desta discrepancia que tiñamos aquí. Si que foi determinante a documentación aportada polo presidente da comunidade de montes das Anzas, o que permitiu que os servizos xurídicos do Concello entendan agora que queda absolutamente claro que eses camiños non lle pertencen ao Concello. Onte por unanimidade de todos os membros da Corporación acordamos recoñecelos coma seus, coma comunais, e dar as instrucións precisas ao catastro para que corrixan ese erro. Temos que lamentar todo este tempo de incerteza que pasou ata chegar ao pleno de onte”.
O último dos puntos foi a aprobación inicial dun convenio urbanístico entre o Concello de Ribadeo e os propietarios dunha parcela na avenida de Galicia, “é un paso máis dos acordos que imos adoptando na comisión de urbanismo onde estamos representados todos os grupos da Corporación para traballar na aprobación do tan agardado plan xeral de ordenación municipal. Neste caso acordamos que as dotacións públicas coma esta e coma outras partes urbanas da vila se poden mellorar con este tipo de convenios que agora vai ir a exposición pública durante o tempo legalmente establecido. Ademais entendemos que imos adiantando aspectos para ir cara o seguinte paso do Pxom, que sería a aprobación provisional”, subliñou Fernando Suárez Barcia.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
