O equipo de goberno explica que o PXOM contempla máis de 60.000 metros cadrados adicionais para a ampliación do Hospital e indican que os seus membros aseguran que “quen está a apostar por ese centro é o PP”.
Burela, 6 de marzo de 2013. O equipo de goberno burelés manifestou hoxe que “o PSOE non está lexitimado para falar da ampliación do hospital, por varios motivos, pero fundamentalmente porque no documento do PXOM que eles tiñan preparado non había solo para a ampliación do hospital, e porque votaron en contra das alegacións presentadas ao PXOM, nas que se incluía unha do propio Sergas demandando máis alturas no solo dotacional reservado para o hospital”. Os populares lembran que o socialista Alfredo Llano prometeu ata en dúas ocasións un investimento de 7 millóns de euros xa Xunta bipartita para o hospital da Costa e “non se investiu un só euro”.
Desde o equipo de goberno aseguran que “os socialistas non recollían no PXOM máis superficie ca actual. No documento aprobado polo PP, co voto en contra do PSOE e do Grupo Mixto, hai máis de sesenta mil metros cadrados adicionais, para garantir a ampliación, para garantir o aparcamento cómodo e para garantir a ubicación en definitiva de máis e mellores equipamentos sanitarios”. E engaden que “quen está apostando decididamente pola ampliación do hospital de Burela é o PP, para escarnio dos socialistas, que non foron capaces de gastar nin un euro, e que durante o bipartito Touriño-Quintana calaron a boca sobre a ampliación, sobre os galpóns, que xa os había daquela, e sobre outras cousas, porque algúns membros da plataforma estaban ocupando cargos importantes e polo tanto tiñan bos soldos, ou traballaban pouco ou nada”.
Para o goberno burelés, “resulta unha broma de mal gusto ver ao señor Llano na foto da Plataforma. Este señor está a xustificar os máis de cincuenta mil euros anuais que cobra da Deputación, pero resulta que este mesmo señor Llano prometeu por dúas veces, no pleno da Corporación de Burela, un investimento de sete millóns de euros no hospital da Costa por parte da Xunta bipartita, e resulta que ese investimento quedou reducido a cero euros”.
Desde o equipo de goberno tamén se refiren á concentración do pasado sábado, “resulta sorprendente que o PSOE, logo dos antecedentes citados, se alíe con grupos de violentos. Por iso algunha persoa destacada do PSOE burelés estaba na concentración insultando e ameazando aos membros do PP de Burela. Acontece que o PSOE está que rabea porque non sabe gañar nas urnas o que quere gañar nas rúas, sen darse conta de que a concentración non lles cumpriu as súas expectativas. Tanto é así que de seguir por esta vía e por esta liña de confrontación, o PSOE seguirá perdendo apoios, porque os cidadáns normais non están pola labor da violencia verbal e física que exerceron algúns membros do PSOE burelés o pasado sábado”.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
O paseo comezará ás 20:00 h na rúa San Francisco, ao pé da igrexa, para continuar pola Praza de Abaixo e a rúa Antonio Otero, até chegar á Praza do Patín, xunto á Biblioteca Municipal El Viejo Pancho. Alí, ás 20:30 h, dará comezo a presentación da obra. A organización lembra con afecto as anteriores visitas de Souto a Ribadeo e confía en que, unha vez máis, se vivirá unha tarde especial guiada polo enxeño creativo do coruñés de Monte Alto, galego universal que levou as nosas letras polo Mar de Irlanda e polas corredoiras máis recónditas do país. A actividade está organizada pola A.C. Francisco Lanza.
